דזשערזי סיטי שיסער האָט געשריבן אַנטיסעמיטישע מעלדונגען אויף סאָציאַלער מעדיאַJersey City Shooter Wrote Anti-Semitic Posts On Social Media
דער בירגערמײַסטער האָט געזאָגט אַז די צוויי פֿאַרדעכטיקטע האָבן בכּיוון אויסגעקליבן די כּשרע שפּײַזקראָם.
Jersey City street blocked off Image by Ari Feldman
איינער פֿון די פֿאַרדעכטיקטע אינעם שיסערײַ מיטוואָך אין דזשערזי סיטי, ניו־דזשערזי, האָט געשריבן אַנטיסעמיטישע מעלדונגען אויף דער סאָציאַלער מעדיאַ, האָט אַ פּאָליציי־באַאַמטער איבערגעגעבן דער ניו־יאָרק טײַמס. זעקס מענטשן זענען דערהרגעט געוואָרן אינעם אַטקאַק, אַרײַנגערעכנט פֿינעף אין אַ כּשרן שפּײַזקראָם,
דער בירגערמײַסטער פֿון דזשערזי סיטי, סטיווען פֿולאָפּ, האָט מיטוואָך געשריבן אויף טוויטער אַז די צוויי פֿאַרדעכטיקטע שיסער, וואס האָבן דערשאָסן אַ פּאָליציאַנט אין אַ צווינטער איידער זיי זענען געפֿאָרן אין דער „דזשיי סי כּשרער שפּײַזקראָם‟ האָט בכּיוון אויסגעקליבן די קראָם.
לויט דער אָרטיקער נײַעס סטאַנציע „ען־בי־סי‟, זענען די שיסער געווען דייוויד אַנדערסאָן און פֿראַנצין גרייאַם. דרײַ קוואַלן האָבן געזאָגט אַז אַנדערסאָן איז געווען אַ געוועזענער אָנהענגער פֿון דער „היברו איזרעאַלײַט‟ באַוועגונג. מע האָט געפֿונען אַ העפֿט מיט רעליגיעזע שריפֿטן אינעם משׁא־אויטאָ וואָס די פֿאַרדעכטיקטע האָבן געפֿירט אין קראָם.
די „היברו איזרעאַלײַטס‟, אויך באַקאַנט ווי „בלעק היברוס‟, גלייבן אַז די אַפֿריקאַנער אַמעריקאַנער זענען די „אמתע‟ אָפּשטאַמיקע פֿון בני־ישׂראל און אַז ווײַסע ייִדן זענען „שאַרלאַטאַנען‟.
הײַדי מייריטש, אַ ספּעציאַליסטין אין ראַסיזם און עקסטרעמיזם, האָט געזאָגט דעם פֿאָרוואַרד אַז שוואַרצע נאַציאָנאַליסטישע גרופּעס ווי די היברו איזרעאַלײַטס און דער „ניישאָן אָוו איסלאַם‟ זענען במשך פֿון די פֿאַרגאַנגענע דרײַ יאָר אַ סך געוואַקסן, צום טייל ווי. רעאַקציע אויפֿן וווּקס פֿונעם וואַסן נאַציאָנאַליזם.
אַ קאָנטע פֿון דער סאָציאַלער מעדיאַ פֿאַרבונדן מיט אַנדערסאָן האָט אויך אַרײַנגענומען אַנטי־פּאָליציייִשע מעלדונגען, לויט געוויסע קוואַלן. דער ערשטער קרבן פֿונעם שיסערײַ איז געווען דער דעטעקטיוו דזשאָו סילס, אַ 15־יאָריקער וועטעראַן פֿון דער דזשערזי סיטי פּאָליציי, נאָך דעם ווי ער איז צוגעגאַנגען צו די פֿאַרדעכטיקטע אין אַ צווינטער לעבן דער כּשרער שפּײַזקראָם.
די צוויי שיסער זענען געווען צווישן די פֿינעף מענטשן וואָס זענען דערהרגעט געוואָרן אין דער קראָם.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
