תּישעה־באָבֿ־פּראָטעסט קעגן „אײַס“A Tisha B’Av Protest Against ICE
ייִדן, אימיגראַנטן און זייערע שטיצער וועלן דעמאָנסטרירן קעגן דער אימיגראַציע־פּאָליטיק פֿאַר אַן „אײַס‟־תּפֿיסה אין מערילאַנד.
Image by Picryl.com
דעם קומעדיקן זונטיק, תּישעה־באָבֿ, 3:30 נאָך מיטאָג, װעלן זיך פֿאַרזאַמלען ייִדן, אימיגראַנטן און זײערע שטיצער און פֿרײַנד בײַ די טױערן פֿון דער „אײַס“־פֿאַרהאַלטונג־טורמע אין האַואַרד־קאַונטי, מערילאַנד.
אױפֿן דאָזיקן פּראָטעסט, דעם 11טן אױגוסט, װעט מען פּרוּװן מוטיקן דעם אָנפֿירער פֿון דעם קאַונטי, קאַלװין באַל, פּטור צו װערן פֿון זײַן הסכּם מיט דער אַמעריקאַנער אימיגראַציע־פּאָליצײ, „אײַס.“ לױטן דאָזיקן אָפּמאַך, באַקומט דער קאַונטי אַ געװיסע סומע געלט פֿון „אײַס“ פֿאַר יעדן פּליט װאָס װערט פֿאַרהאַלטן אין דער דאָזיקער טורמע.
בעת דעם פּראָטעסט װעט מען פֿאָרלייענען אויסצוגן פֿון מגילת איכה און קינות, אַזוי ווי עס פֿירט זיך תּשעה־באָבֿ.
דער פּראָטעסט ווערט געשטיצט דורך אַ רײ אָרטיקע ייִדישע אָרגאַניזאַציעס אין מערילענד בכלל און אין האַורד־קאַאונטי בפֿרט, ווי אויך לאַנדישע. די אָרגאַניזירערס פֿונעם פּראָטעסט האָבן אויך באַצײכנט די מאַניפֿעסטאַציע װי אַ טײל פֿון די „נעװער־אַגען־עקשנס‟, די פּראָטעסטן קעגן „אײַס“ וואָס קומען פֿאָר איבער די פֿאַראײניקטע שטאַטן שױן זינט יוני, 2019. די דאָזיקע פּראָטעסטן באַניצן זיך אָפֿן און בכּיוונדיק מיט לאָזונגען װאָס פֿאַררופֿן זיך אױפֿן חורבן, מיט דער טענה אַז „הײַנט איז שױן ׳מער קײן מאָל ניט׳.“
צוליב דעם וואָס אַ טייל פֿון די דעמאָנסטראַנטן וועלן אין יענעם טאָג פֿאַסטן, וועט מען אויפֿשטעלן געצעלטן קעגן דער זון און צושטעלן טרענירטע סאַניטאַרן.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
