Screenshot Photo by Ethel Niborski

צו לייענען דעם טעקסט פֿונעם אינטערוויו גיט אַ קוועטש דאָ.

דעם אינטערוויו וואָס איר זעט דאָ האָבן מיר געמאַכט מיט קנאַפּ אַ חודש צוריק. נאָך אַ חודש מער וואָס דער יונגער פֿאַרכאַפּטער ישׂראלי עומר (אָמער) ווענקערט מאַכט דורך אין דער אַכזריותדיקער כאַמאַס-געפֿאַנגענשאַפֿט.

אין גדרה (געדעראַ) האָבן מיר זיך געטראָפֿן מיט זײַן באָבע צילי ווענקערט, אַ לעבן-געבליבענע נאָכן חורבן, פֿון דער בוקאָווינע.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

אינעם ווידעאָ דערציילט זי אויף איר היימיש „טאָטע-מאָמע-לשון“ וועגן דעם שרעקלעכן 7טן אָקטאָבער, ווען די משפּחה האָט זיך דערוווּסט דורך אַ כאַמאַס-פֿילם אַז עומר איז פֿאַרכאַפּט געוואָרן בעת דער נאָוואַ-מסיבה אין דרום-ישׂראל. זי רעדט וועגן דער מורא און זאָרג וואָס פּײַניקן טאָג אײַן טאָג אויס די משפּחה; וועגן די גרוסן פֿון עומרן וואָס אַ באַפֿרײַטער האָט מיטגעברענגט פֿון עזה; וועגן דעם כּסדרדיקן אַקטיוויזם פֿון עומרס טאַטע-מאַמע, וואָס מיִען זיך אין ישׂראל און אויסלאַנד אומדערמידלעך פֿאַר זײַן באַפֿרײַונג, און וועגן דער צעריסנקייט צװישן האָפֿענונג און שׂכל.

צילי ווענקערט האָט די טעג געדאַרפֿט זײַן אין פּוילן. נעכטן, ווען מען האָט אין ישׂראל און אין די תּפֿוצות אָפּגעמערקט דעם געדענקטאָג נאָכן חורבן, האָט זי זיך געזאָלט באַטייליקן אין דעם יערלעכן ׳מאַרש פֿון די לעבעדיקע׳ און אויף דער צערעמאָניע אין אוישוויץ-בירקענוי דערמאָנען אין איר טאָפּעלן חורבן, אין עומרס ביטערן גורל און אין דער נייטיקייט אומצוקערן אים מיט אַלע אַנדערע פֿאַרכאַפּטע.

לסוף האָבן אויסגעפֿעלט די כּוחות טאַקע צו פֿאָרן אַהין…

לאָמיר שוין אַלעמען זען צוריק אין דער היים!

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount