די פֿיר בנים וואָס לעבן אין מירThe Four Sons that live in me
Image by Arthur Szyk
איבערגעזעצט פֿון העברעיִש פֿון אלי שאַרפֿשטיין
וועגן פֿיר בנים דערציילט אונדז די תּורה. איך פֿאַרבעט אײַך זיך צו באַקענען מיט די פֿיר בנים, וואָס לעבן אין מיר.
פֿיר בנים. אַמאָל העלפֿן זיי מיר שטײַגן, און אַמאָל האַלטן זיי אָפּ מײַן פֿאָרויסגיין. נאָר אַלע פֿיר ווילן פֿאַר מיר דאָס בעסטע, און טוען אַלץ מיך צו פֿאַרהיטן.
אַלע מאָל, ווען איך וויל אָנהייבן עפּעס א נײַע זאַך, אַ נײַעם פּראָיעקט, מאַכט דער רשע אַ געוואַלד: „טו ניט, דו ביסט נישט קיין מומחה, ס’איז נישט ווערט דײַן אַרבעט, אַ שאָד דײַנע כּוחות, דו ביסט שוין נישט אַזוי יונג.“
דער, וואָס ווייסט נישט וואָס צו פֿרעגן, ער רעדט מיט אויסרוף צײַכנס. זײַן לשון־אוצר איז פֿול מיט ווערטער ווי: „זיכער! אַוודאי! נישטאָ קיין ספֿק! מיר איז אַלץ קלאָר!“ ער מיינט, אַז ער מאַכט מיך שטאָלצער ווען ער וויל פֿאַרשטאַרקן מײַן „איך“, מײַן עגאָ. ער קריטיקירט, מישפּט און האָט קיין מאָל נישט קיין טעות.
דעם תּם האָב איז זיך אויסגעלערנט ליב צו האָבן נאָר דאַן, ווען איך האָב אַוועקגעשיקט די ערשטע צוויי זיך אָפּרוען אַ ביסל. דער תּם האָט נישט מורא צו פֿרעגן קשיות. ער האָט נישט קיין עגאָ, און יעדעס מאָל איז ער גרייט אויסצוהערן אַ קריטיק. ער שטעלט פֿאָר אין פּאָזיטיווע פֿאַרבן די פּוסטע העלפֿט פֿונעם גלאָז, וואָס איז תּמיד גרייט זיך אָנצואָנפֿילן.
דער חכם איז דער קאָמפּליצירטסטער פֿון אַלע. ער איז אַ שעפֿעריש „שייגעצל“, אָבער אויך באַקלערט און מיושבֿדיק. ער דערלויבט זיך צו פֿליִען אין ווײַטע האָריזאָנטן, אָבער באַצײכנט די צילן און אויפֿגאַבן. ער הערט זיך צו צו דעם רשע, לערנט יענעם, וואָס ווייסט ניט וואָס צו פֿרעגן, און שטיצט זיך מיטן תּם, כּדי צו גלויבן און טרוימען.
זאַלבע פֿיר הערן זיך זיי צו, איינער צום אַנדערן, און אַלע צוזאַמען זײַנען זיי… איך.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
