ווידעאָ: אַן אָרעמע זאָגערין האָט שטאַרק פֿאַראיבל אויף די רײַכע ייִדענעסVideo: A penniless women’s prayer leader vents her anger at wealthy women
במשך פֿון די ימים־נוראָים איז כּדאַי צו זען דעם אויסערגעוויינטלעכן יוטוב פֿון דער דערציילונג „די זאָגערין“ פֿון דער ייִדישער שרײַבערין רחל בראָכעס. דער ווידעאָ איז פּראָדוצירט געוואָרן פֿון שיין בייקער לטובֿת דעם ייִדישן קולטור־קאָנגרעס.
די אַקטריסע און פֿאָרשערין אַלונה באַך דערציילט די מעשׂה אויף אַ מײַסטערישן אופֿן און איז אויך די אילוסטראַטאָרין פֿון די פּרעכטיקע בילדער, וואָס באַגלייטן איר קול. רעזשיסירט די פֿאָרשטעלונג האָט מלכּי גאָלדמאַן.
„די זאָגערין“ איז פּובליקירט געוואָרן אין ווילנע, 1922 אין בראָכעסעס בוך „אַ זאַמלונג דערציילונגען“ (ווילנע, 1922). אין 1994 איז עס אַרויסגעלאָזט געוואָרן אין דער ענגלישער איבערזעצונג אין דער אַנטאָלאָגיע, „אַנטדעקטע אוצרות: דערציילונגען פֿון ייִדישע פֿרויען“.
אין מזרח־אייראָפּע האָבן ס׳רובֿ פֿרויען נישט געקענט קיין לשון־קודש אָדער אַפֿילו דעם אַלף־בית. כּדי זיי צוצוהעלפֿן מיטן דאַווענען אין שיל האָבן געוויסע געלערנטע פֿרויען געדינט ווי זאָגערינס (אויך באַקאַנט ווי פֿירזאָגערינס אָדער זאָגערקעס) פֿאַר זיי. די זאָגערין האָט פֿאָרגעלייענט די תּפֿילות אויף אַ קול און די אַנדערע האָבן נאָכגעחזרט יעדעס וואָרט. אין געוויסע פֿאַלן האָבן די אַנדערע פֿרויען זי אויך געבעטן זאָגן אַ פּערזענלעכע תּפֿילה פֿאַר זיי.
כאָטש די זאָגערקעס זענען אָפֿט געווען טעכטער פֿון רבנים, חשובֿע פֿיגורן אין שטעטל, זעט מען אין בראָכעסעס דערציילונג אַ גאָר אַנדער פֿאַל: די זאָגערין איז אַ פֿאַראָרעמטע אַלמנה, וואָס פֿילט אַז די רײַכערע פֿרויען ניצן זי אויס, כּדי צו פֿאַרבעסערן זייער אייגענעם מצבֿ אין לעבן.
דאָס איז אָבער נישט קיין סימפּליסטיש מעשׂהלע פֿון אָרעם קעגן רײַך. בראָכעס שילדערט די זאָגערין ווי אַ פּסיכאָלאָגיש קאָמפּליצירטע פֿרוי, וואָס דריקט אויס אַזאַ שׂינאה צו די פֿרויען, אַז דער לייענער ווייסט שוין אַליין נישט וואָס איז וואָר און וואָס איז בלויז דער קוקווינקל פֿון אַ פֿרוי וואָס איז נעבעך נישט מיט אַלעמען. ס׳איז באמת אַ פֿאַרכאַפּנדיקע דערציילונג, וואָס קען אַרויסרופֿן פֿאַרשידענע מיינונגען.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor