יעווגעני קיסין אין 2021 Photo by Wikimedia Commons

דינסטיק, דעם 12טן סעפּטעמבער, וועט פֿאָרקומען אַ דיסקוסיע — סײַ אויפֿן אָרט; סײַ דורך זום — מיטן וועלטבאַרימטן קלאַסישן פּיאַניסט און קאָמפּאָזיטאָר יעווגעני קיסין וועגן זײַן איבערגעגעבנקייט צו דער ייִדישער שפּראַך, און וועגן זײַנע אייגענע לידער און איבערזעצונגען. דעם שמועס וועט מען פֿירן אויף ייִדיש.

די אונטערנעמונג — וואָס איז טייל פֿון אַ סעריע לעקציעס אויפֿן נאָמען פֿון דער משפּחה הימל — ווערט געשטיצט פֿונעם צענטער פֿון ייִדישע שטודיעס בײַם טאָראָנטער אוניווערסיטעט. אינעם שמועס וועלן זיך באַטייליקן דער פֿאָרזיצער פֿון לייוויק־הויז אין תּל־אָבֿיבֿ — דניאל גלאַי; דער פּאַריזער פּסיכאָאַנאַליטיקער מאַקס קאָהן און די פּראָפֿעסאָרין פֿון ייִדישע לימודים בײַם טאָראָנטער אוניווערסיטעט — נעמי סײַדמאַן. דעם פֿאָרזיץ וועט פֿירן די ייִדיש־פּראָפֿעסאָרין בײַם טאָראָנטער אוניווערסיטעט — אַנאַ שטערנשיס.

יעווגעני קיסין איז געבוירן געוואָרן אין מאָסקווע אין 1971 און כאָטש ער איז צום מערסטן באַקאַנט פֿאַר זײַן ווירטואָזאָ־שפּילן אויף דער פּיאַנע און זײַנע מוזיקאַלישע קאָמפּאָזיציעס, רעציטירט ער אָפֿט פּאָעזיע פֿון באַרימטע שרײַבער ווי י. ל. פּרץ און אויך זײַנע אייגענע לידער בעת זײַנע קאָנצערטן ווי, למשל, אויפֿן באַקאַנטן קאָנצערט אינעם קענעדי קונסטצענטער אין וואַשינגטאָן אין 2014.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

קיסינס ייִדישע לידער זענען געדרוקט געוואָרן אינעם פֿאָרווערטס, וווּ עס זענען אויך אַרויסגעלאָזט געוואָרן דרײַ קאָמפּאַקטלעך מיט קיסינס רעציטאַציעס: „אויף די קלאַווישן פֿון ייִדישער פּאָעזיע“. צוויי פֿון זײַנע ביכער פּאָעזיע און דערציילונגען זענען דערשינען דורכן פֿאַרלאַג „ייִדיש בראַנזשע“: „אַ ייִדישער שייגעץ“ (2019) און „בלויז עטלעכע מינוט גאַנג“ (2021).

„אין מײַן קינדשאַפֿט פֿלעג איך פֿאַרברענגען די זומערס אױף דער דאַטשע מיט די באָבע־זײדע, װאָס האָבן אָפֿט גערעדט אױף ייִדיש אײנער מיטן צווייטן,“ האָט קיסין געזאָגט בעת אַן אינטערוויו מיטן „ביראָבידזשאַנער שטערן“. „די דערינערונגען װעגן דעם זײַנען געבליבן אין מײַן נשמה, און װען איך בין געװאָרן עלטער, האָט זיך מיר פֿאַרװאָלט זיך אױסלערנען אָט די שפּראַך אױף אַן ערנסטן אופֿן.“

„ייִדיש בראַנזשע“ האָט אויך פּראָדוצירט אַ ווידעאָ וואָס ווײַזט ווי קיסין רעציטירט עטלעכע פֿון זײַנע לידער:

די דיסקוסיע קומט פֿאָר 12:30 נאָך מיטאָג ניו־יאָרקער צײַט/ 9:30 אין דער פֿרי קאַליפֿאָרניער צײַט.

דער אַדרעס פֿון דער אונטערנעמונג:

Jackman Humanities Building
170 St. George Street
Room 616

כּדי בײַצוזײַן דורך זום גיט אַ קוועטש דאָ.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount