אַ מיטגליד פֿון חבֿרה שומרים אין צפֿון־לאָנדאָן אין 2014 Photo by Getty Images

יעקבֿ דאַסקאַל, דער 64־יאָריקער געוועזענער הויפּט פֿון דער באָראָ־פּאַרק חבֿרה שומרים, האָט זיך אָנערקענט פֿאַר שולדיק אין סעקסועל באַלעסטיקן אַ 15־יאָריק מיידל פֿון אויגוסט ביז נאָוועמבער 2017.

צוליב דעם וואָס דאַסקאַל איז געווען מיטן מיידל אין דרײַ באַזונדערע שטאַטן — ניו־יאָרק, ניו־דזשערזי און אילינוי — ווערט דער ענין דורכגעפֿירט דורכן פֿעדעראַלן יוסטיץ־דעפּאַרטאַמענט.

מיטוואָך האָט דער יוסטיץ־דעפּאַרטאַמענט צעשיקט אַ מעלדונג וועגן דאַסקאַלס שולד־אָנערקענונג אויף ייִדיש, אָנגעבנדיק אַלע פּרטים פֿונעם ענין. „קיינער שטייט נישט העכער פֿונעם געזעץ,“ איז געשטאַנען אינעם קאָמוניקאַט.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

דאַסקאַל וועט פֿאַרמישפּט ווערן צו צווישן 14 און 17 יאָר תּפֿיסה און וועט זיך רעגיסטרירן ווי אַ סעקס־פֿאַרברעכער נאָכן דערקלערן זיך שולדיק אין פֿירן אַ מיידל פֿון איין אָרט צו אַ צווייטן מיט דער כּוונה צו באַגיין סעקסועלע פֿאַרברעכנס.

דאַסקאַלס שולד־אָנערקענונג קומט פֿינעף יאָר נאָך דעם ווי ער איז אַרעסטירט געוואָרן און אָפֿיציעל באַשולדיקט געוואָרן אין סעקסועלע פֿאַרברעכנטס קעגן דעם מיידל. אָנגעהויבן האָט זיך עס ווען דאָס מיידל, פֿון אַ פֿרומער ייִדישער משפּחה אין באָראָ־פּאַרק, האָט פֿאַרטרויט אַ מורה־דרך אירער, אַז ס׳איז איר געוואָרן שווער אויסצוקומען מיט דער משפּחה. לויט די פּראָקוראָרן האָט דאַסקאַל זיך אונטערגענומען צו העלפֿן דעם מיידל און האָט דערנאָך זי אָנגעהויבן צוגרייטן אויף צו באַגיין סעקסועלע מעשׁים אויף איר.

די פּראָקוראָרן האָבן צוגעגעבן אַז דאַסקאַל האָט אויסגעניצט זײַן חשובֿע פּאָזיציע כּדי צו פֿאַרזיכערן אַז זי זאָל קיינעם נישט אויסזאָגן וועגן דעם.

„דורכויס דעם באַעוולען האָט דער באַשולדיקטער אָנגעזאָגט דעם קרבן אויסצומעקן זייערע קאָמוניקאַציעס און איר געוואָרנט קיינעם נישט צו דערציילן איבער זייערע סעקסועלע באַציִונגען.“  ער האָט זי אויך געוואָרנט אַז „עס וועט איר חרובֿ מאַכן דאָס לעבן אויב פֿאַרציילט זי עמעצן איבער זייערע באַציִונגען.“

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount