מענטשן ווערן געזוכט צו ענטפֿערן אויף פֿראַגעס פֿאַר „פֿעמילי פֿיוד“ אויף ייִדישPeople sought to fill out online survey for Family Feud in Yiddish
די ענטפֿערס וועלן געניצט ווערן ווען מע פֿירט דורך די שפּיל אויף דער ייִדיש־וואָך 2022.
Photo by Yugntruf
יעדעס יאָר אויף דער „ייִדיש־וואָך“ פֿון יוגנטרוף, פֿירט מען אָן מיט אַ ייִדישן נוסח פֿונעם פּאָפּולערן טעלעוויזיע־שפּיל, Family Feud. אינעם שפּיל, וואָס מע רופֿט אויף ייִדיש „וואָס זאָגט עמך?“ דאַרפֿן די צוויי מאַנשאַפֿטן פּרוּוון טרעפֿן די פּאָפּולערסטע ענטפֿערס פֿון כּלערליי פֿראַגעס וואָס מע האָט פֿריִער געהאַט געשטעלט ייִדיש־קענער אויף דער סאָציאַלער מעדיאַ, ווי למשל: „וואָס איז אַ שפּײַז וואָס מענטשן עסן אויף פֿרישטיק?“
אויף דער יערלעכער „ייִדיש וואָך“, וואָס קומט פֿאָר אין קאָפּייק, ניו־יאָרק, קומען זיך צונויף ייִדיש־רעדנדיקע משפּחות און יחידים פֿון איבער דער וועלט. אַ גאַנצע וואָך באַטייליקט מען זיך אין כּלערליי אַקטיוויטעטן אויף ייִדיש ווי למשל לייענקרײַזן, רעפֿעראַטן, ספּאָרט־אַקטיוויטעטן, ברעטשפּילן און סתּם אויסשפּאַנען זיך אינעם שווימבאַסיין אָדער בײַ דער אָזערע.
כּדי „וואָס זאָגט עמך?“ זאָל מצליח זײַן, דאַרף מען אָבער צו ערשט מאַכן אַ סטאַטיסטיק פֿון די פּאָפּולערסטע ענטפֿערס אויף יעדער פֿראַגע. דעריבער ווענדן זיך די שפּיל־אָרגאַניזירער צו די פֿאָרווערטס־לייענער אַז זיי זאָלן זיך אויך באַטייליקן אין דער אַנקעטע, אַפֿילו אויב זיי וועלן זיך נישט באַטייליקן אינעם שפּיל גופֿא. די פֿראַגעס פֿיגורירן סײַ מיט ייִדישע אותיות, סײַ מיט לאַטײַנישע. דער טערמין צו ענטפֿערן אויף די פֿראַגעס איז דער 22סטער אויגוסט, נײַן אַ זייגער אין אָוונט. די אַנקעטע דאַרף נישט דויערן מער ווי 15 מינוט צײַט.
די וואָס ווילן זיך באַטייליקן אין דער אַנקעטע זאָלן געבן אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
