אַ יידישער פּלאַקאַט פֿון דער ערשטער וועלט־מלחמה רופֿט יונגע לײַט זיך צו פֿאַרשרײַבן אינעם קאַנאַדער מיליטער Photo by Wikimedia Commons

אויפֿן הייאָריקן ווירטועלן קלעזקאַנאַדע־פֿעסטיוואַל, וואָס וועט פֿאָרקומען סוף־יולי, וועט רבֿקה מאַרגאָליס, אַ ייִדיש־פּראָפֿעסאָרין פֿון מאָנאַש־אוניווערסיטעט אין מעלבורן, אויסטראַליע, האַלטן אַ רעפֿעראַט וועגן די אינאָוואַטיווע סטראַטעגיעס פֿון יונגע אַקטיוויסטן צו פֿאַרשפּרייט ייִדיש ווי אַ לעבעדיקע שפּראַך אין קאַנאַדע, אָנהייבנדיק פֿון די 1950ער יאָרן ביזן הײַנטיקן טאָג.

דער רעפֿעראַט ווערט דורכגעפֿירט לזכּרון דער אַמאָליקער ייִדישער קולטור־טוערין אין מאָנטרעאָל, שׂרה ראָזענפֿעלד. כּדי זיך צו פֿאַרשרײַבן אויפֿן רעפֿעראַט, גיט אַ קוועטש דאָ.

דער פֿעסטיוואַל, וואָס וועט פֿאָרקומען פֿון שבת, דעם 30סטן יולי ביז מאָנטיק, דעם 1טן אויגוסט, וועט אויך אַרײַננעמען ייִדיש־קלאַסן פֿאַר אָנהייבער און מיטנדיקע סטודענטן, דורכגעפֿירט אויף שעפֿערישע אופֿנים. אַני כּהן, אַ דאָקטאָראַנטקע פֿון ייִדיש־לימודים בײַם ייִדישן טעאָלאָגישן סעמינאַר, וועט פֿירן אַ קלאַס פֿאַר אָנהייבער מיטן נאָמען, „אַ גאַסט אין ייִדישלאַנד“, וווּ די באַטייליקטע וועלן „באַזוכן“ ערטער וווּ מע האָט אַ מאָל גערעדט ייִדיש, און אַזוי אַרום זיך אויסלערנען ווי צו פֿירן אַ שמועס מיט די אָרטיקע אײַנוווינער. אויב איר קענט עמעצן וואָס וויל זיך לערנען אַ ביסל ייִדיש אויף אַ הנאהדיקן אופֿן, לאָזט זיי וויסן וועגן דעם קלאַס. כּדי זיך צו פֿאַרשרײַבן אויפֿן קלאַס גיט אַ קוועטש דאָ.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

זונטיק און מאָנטיק וועט אויך פֿאָרקומען אַ קלאַס פֿאַר מיטנדיקע ייִדיש־סטודענטן אויף דער טעמע, „טשאַרלי טשאַפּלין אויף ייִדיש“. טל העווער־טשיבאָווסקי, דער דירעקטאָר פֿונעם פּאַריזער ייִדיש־צענטער, וועט אַרומרעדן די ראָלע וואָס דער פּערסאָנאַזש טשאַרלי טשאַפּלין האָט געשפּילט אין ייִדישן טעאַטער במשך פֿונעם 20סטן יאָרהונדערט. כּדי זיך צו פֿאַרשרײַבן אויפֿן קלאַס גיט אַ קוועטש דאָ.

כּדי צו זען דעם גאַנצן צײַטפּלאַן פֿון קלעזקאַנאַדע אָנלײַן אָדער צו באַשטעלן אַ פּאַס אויפֿן גאַנצן ווירטועלן פֿעסטיוואַל גיט אַ קוועטש דאָ.

אַחוץ דעם אָנלײַן־נוסח וועט קלעזקאַנאַדע אויך דורכפֿירן, פֿונעם 22סטן ביזן 28סטן אויגוסט, אַ פֿעסטיוואַל פּנים־אל־פּנים אין אַ זומער־לאַגער אין די לאָרענשאָן־בערג אַזוי ווי אין פֿריִערדיקע יאָרן. יענער פֿעסטיוואַל איז שוין כּמעט אויספֿאַרקויפֿט אָבער מע קען נאָך אַלץ באַקומען בילעטן אײַנצושטיין אין אַ דערבײַיִקן האָטעלעכל. כּדי צו זען דעם צײַטפּלאַן אויפֿן פֿעסטיוואַל אָדער זיך צו פֿאַרשרײַבן גיט אַ קוועטש דאָ.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount