קורס וועגן ייִדישער פּאָעזיע אין ראַטן־פֿאַרבאַנד, געפֿירט אויף ייִדישCourse on Yiddish poetry in the Soviet Union to be held in Yiddish
דער קורס וועט דעקן ווערק פֿון דער „קיִעווער גרופּע“, די פּראָלעטאַרישע ליטעראַטור און דעם סטיל פֿון „פּראָסטע רייד“.
לייב קוויטקאָ מיט זײַן פֿרוי (נאָמען אומבאַקאַנט) Photo by Ghetto Fighters House Archives, Israel
פֿונעם 27סטן יוני ביזן 15טן יולי, וועט פֿיליפּ שוואַרץ, אַ דאָקטאָראַנט בײַ דער פּױלישער װיסנשאַפֿט־אַקאַדעמיע, לערנען אַ ווירטועלן קורס וועגן די ערשטע צען יאָר ייִדישע פּאָעזיע אין ראַטן־פֿאַרבאַנד. דער קורס, וואָס איז טייל פֿונעם וואַרשעווער ייִדיש־סעמינאַר, וועט זיך טרעפֿן יעדן טאָג, פֿון 9:30 ביז 11:00 אַ זײגער אין דער פֿרי ניו־יאָרקער צײַט.
אינעם קלאַס, וואָס וועט געפֿירט ווערן אויף ייִדיש, וועט מען לערנען די ווערק וואָס זענען אַרויסגעלאָזט געוואָרן אין אוקראַיִנע, בעלאַרוס און רוסלאַנד, אָנהייבנדיק פֿונעם אויפֿבלי פֿון דער מאָדערנער ייִדישער פּאָעזיע בכלל און דער „קיִעווער גרופּע“ — און ענדיקן מיטן אויפֿקום פֿון דער פּראָלעטאַרישער ליטעראַטור און דעם סטיל פֿון „פּראָסטע רייד“.
אַחוץ די קלאַסישע דיכטער דוד האָפֿשטיין, פּרץ מאַרקיש און לייב קוויטקאָ וועט מען אויך לייענען ווערק פֿון ווייניק באַקאַנטע ליריקער ווי אַהרן קושניראָוו, ליפּע רעזניק, שמואל האַלקין און אַבֿרהם וועלעדניצקי, ווי אויך די שרײַבערינס דבֿורה כאָראַל, שפֿרה כאָלאָדענקאָ און מירע כענקין.
די סטודענטן וועלן זיך אויך באַקענען מיט די קריטישע עסייען פֿון יחזקאל דאָברושין, משה ליטוואַקאָוו און כאַצקל דוניעץ, ווי אויך שפּעטערדיקע מאמרים פֿון חיים לויצקער, הערש רעמעניק און דובֿ־בער קערלער.
כּדי זיך צו פֿאַרשרײַבן אויפֿן קורס, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
