מרים יודל ווערט דירעקטאָרין פֿון יודאַיִסטיק־אָפּטייל בײַ עמאָרי־אוניווערסיטעטMiriam Udel picked as director of Jewish Studies at Emory University
די פּראָפֿעסאָרין זעצט איבער ייִדישע קינדער־ליטעראַטור און האָט געהאָלפֿן פּראָדוצירן אַ ווידעאָ פֿון כאַווער פּאַווערס קינדערבוך, „לאַבזיק“.
Photo by miriamudel.com
עמאָרי־אוניווערסיטעט האָט די וואָך געמאָלדן אַז די פּראָפֿעסאָרין פֿון דער ייִדישער שפּראַך און ליטעראַטור, ד״ר מרים יודל, וועט אין גיכן ווערן די נײַע דירעקטאָרין פֿונעם יודאַיִסטיק־אָפּטייל, וואָס ווערט באַצייכנט ווי דער טעם־אינסטיטוט.
במשך פֿון די לעצטע יאָרן האָט דער טעם־אינסטיטוט, אונטער דער פֿירערשאַפֿט פֿונעם ביז־איצטיקן דירעקטאָר עריק גאָלדשטיין, אָנגענומען אַן אייגנאַרטיקן ציל אין דער אַקאַדעמישער וועלט: צו אַרבעטן בשותּפֿות מיט אַנדערע אָפּטיילן פֿונעם אוניווערסיטעט ווי רעליגיע, געשיכטע, ליטעראַטור, פּאָליטישער וויסנשאַפֿט און עטנאָגראַפֿיע, כּדי אויסצוברייטערן די פּערספּעקטיוו פֿון די פֿאָרשונגען און פּראָיעקטן וואָס ווערן דורכגעפֿירט דורכן פֿאַקולטעט פֿון יודאַיִסטיק.
דער אוניווערסיטעט האָט באַצייכנט יודל ווי אַן אידעאַלער קאַנדידאַט פֿאַר אַזאַ וויזיע. איר בוך, „האָניק אויף דער זײַט: אַ זאַמלונג פֿון דער ייִדישער קינדער־ליטעראַטור“ — אַן אַנטאָלאָגיע פֿון פֿאָרש־מקורים וואָס זי האָט אויסגעקליבן און איבערגעזעצט אויף ענגליש, האָט אין 2020 געוווּנען אַן אויסצייכענונג פֿונעם „פֿאַרבאַנד פֿון ייִדישע ביבליאָטעקן“.
יודל האָט אויך, אין איינעם מיט דזשייק קראַקאָווסקי, פּראָדוצירט אַ ווידעאָ פֿון כאַווער פּאַווערס קינדערבוך (1935) וועגן אַ חנעוודיק הינטל, לאַבזיק, אין דער ענגלישער איבערזעצונג. מער ווי 5,000 מענטשן האָבן דאָס געזען.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
