הערט ווי שרײַבער דעקלאַמירן זייערע ווערק, באַגלייט מיט דער איבערזעצונגHear classic Yiddish writers read their work, accompanied by translations
צווישן די שרײַבער וואָס מע הערט דאָ זענען שלום־עליכם, ציליע דראָפּקין, איציק מאַנגער און אליעזר וויזעל.
Image by League for Yiddish
מע קען איצט באַשטעלן אַ צוויישפּראַכיקע, אוידיאָ-רעקאָרדירונג פֿון 12 ייִדישע שרײַבערס וואָס דעקלאַמירן זייערע אייגענע ווערק, באַגלייט פֿון דער ענגלישער איבערזעצונג.
די רעקאָרדירונג ווערט אויך באַגלייט פֿון אַ 132־זײַטיקן ביכל וווּ סע געפֿינט זיך דער גאַנצער ייִדישער טעקסט מיט דער ענגלישער איבערזעצונג; די ביאָגראַפֿיע פֿון יעדן שרײַבער אויף ענגליש און ייִדיש, און נאָטיצן וועגן יעדער שאַפֿונג אויף ענגליש.
די רעקאָרדירונג און דאָס ביכל, „די גאָלדענע פּאַווע — דאָס קול פֿון דעם ייִדישן שרײַבער‟, זענען צונויפֿגעשטעלט געוואָרן פֿון דער באַקאַנטער ייִדיש־לערערין און מחברטע פֿון עטלעכע ייִדישע לערנביכער, שבֿע צוקער.
אין דער רעקאָרדירונג הערט מען ווי עס לייענען פֿאָר יעקבֿ גלאַטשטיין, ציליע דראַפּקין, אליעזר וויזעל, אַהרן גלאַנץ־לעיעלעס, ה. לייוויק, קאַדיע מאָלאָדאָווסקי, איציק מאַנגער, אַבֿרהם סוצקעווער, רחל קאָרן, שלום־עליכם, ביילע שעכטער־גאָטעסמאַן און יחיאל שרײַבמאַן.
די ענגלישע איבערזעצונגען ווערן געלייענט פֿון שבֿע צוקער און טרודי קעסלער, אַן עמעריטירטע פּראָפֿעסאָרין פֿון קול און טעאַטער בײַ דער טעאַטער־שול/דעפּאָל־אוניווערסיטעט אין שיקאַגע.
די רעקאָרדירונג קען מען באַקומען ווי אַ דיגיטאַלישן אַראָפּלאָד אָדער ווי צוויי קאָמפּאַקטלעך, אָדער ביידע.
כּדי צו באַשטעלן די רעקאָרדירונג און ביכל, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
