דעם 10טן פֿעברואַר איז ווערטל — דער ייִדיש־שפּראַכיקער נוסח פֿונעם נײַעם שטאַרק פּאָפּולערן שפּיל Wordle — געקומען אונטערן אויפֿזיכט פֿונעם פֿאָרווערטס, און דערבײַ דערמעגלעכט אַז דאָס שפּיל זאָל דערגרייכן אַ סך מער מענטשן.

לכתּחילה זענען צוויי ייִדיש־שפּראַכיקע ווערסיעס פֿונעם שפּיל געגרינדעט געוואָרן, ביידע לאַנצירט אין מיטן יאַנואַר 2022. איינע האָבן געשאַפֿן מאַשע לייפֿער און גבריאלה טיילאָר; די צווייטע — דזשיימי קאָנוויי. איצט האָבן די דרײַ שפּילמײַסטער צונויפֿגעגאָסן זייערע כּוחות צו שאַפֿן אַ ווערטל פֿאַרן פֿאָרווערטס, ניצנדיק דעם זעלבן נאָמען.

די אינסטרוקציעס בײַ ווערטל זענען די זעלבע ווי בײַ Wordle: מע דאַרף טרעפֿן דאָס װערטל מיט זעקס טרעפֿן.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

אָט אַזוי האָט אויסגעזען בײַ מיר נאָך דעם ווי איך האָב פֿאַרענדיקט אָבער נישט געטראָפֿן דאָס ריכטיקע וואָרט.

אַלע װערטער װערן געשריבן אָן נקודות. ‬די אותיות „װ“, „ױ“ און „ײ“ פֿאַרנעמען צװײ קעסטלעך. די סוף־אותיות װערן נישט געניצט.

יעדעס סודותדיק װאָרט באַװײַזט זיך אין דער פֿאָרמע װאָס געפֿינט זיך אין װערטערבוך (װערבן אין אינפֿיניטיװ; אַדיעקטיװן אין גרונט־פֿאָרמע). נאָך יעדן טרעף, וועלן די קאָלירן פֿון די קאַכלען אײַך ווײַזן ווי נאָענט דער טרעף איז געווען צום ריכטיקן װאָרט. אַ גראָער אות מיינט אַז ער איז אין גאַנצן נישטאָ אין דעם וואָרט. אַ געלער באַטײַט אַז דער אות איז יאָ דאָ אינעם וואָרט אָבער אויף אַן אַנדער אָרט. און אַ גרינער אות מיינט אַז דער אות געפֿינט זיך אינעם וואָרט און טאַקע אויפֿן זעלבן אָרט ווי איר האָט אים געשטעלט.

אַ דאַנק דעם וואָס ווערטל וועט זיך איצט געפֿינען אויף דער פֿאָרווערטס־וועבזײַט וועלן די שפּילער קענען אויסניצן זײַן אייגנאַרטיקן איבערזעץ־מכשיר. ווי ס׳רובֿ לייענער ווייסן שוין געפֿינט זיך אַ ייִדיש־ענגליש ווערטערבוך אײַנגעגלידערט אינעם טעקסט, קען דער לייענער פֿון די ייִדיש־אַרטיקלען אויסגעפֿינען די איבערזעצונג פֿון כּמעט יעדן וואָרט בלויז דורכן געבן אַ קוועטש אויף אים.

כאָטש די ווערטל־שפּילער וועלן נישט קענען געניסן פֿון אָט דעם איבערזעץ־מכשיר פֿאַר די נישט־ריכטיקע טרעפֿן, וועלן זיי יאָ קענען דאָס טאָן ווי נאָר עס באַווײַזט זיך דאָס ריכטיקע וואָרט, אָדער ווײַל זיי האָבן ריכטיק געטראָפֿן דאָס וואָרט אָדער ווײַל זיי האָבן אויסגעפֿונען דאָס ריכטיקע וואָרט נאָכן טרעפֿן זעקס מאָל. כּדי צו שפּילן ווערטל, גיט אַ קוועטש דאָ.

A message from our Publisher & CEO Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount