ווידעאָ: אַ ייִדיש־רעדערין אין סווינציאַן, ליטע אין 2004VIDEO: A native Yiddish speaker in Svintsyán, Lithuania in 2004
בלומקע קאַץ דערציילט וועגן איר ערשטן מאַנס טאַטן, ר׳ יאַנקל־דוד יאַוויטש, וואָס איז געווען דער גבאי פֿון דער שנײַדערישער קלויז.
Image by Lithuanian Yiddish Video Archive (LYVA)
די פֿאַרגאַנגענע וואָך איז אַרויפֿגעשטעלט געוואָרן אויף יוטוב אַן אינטערוויו אויף ייִדיש מיט אַ פֿרוי אין סווינציאַן, ליטע, דורכגעפֿירט פֿונעם ייִדישן לינגוויסט, ד״ר הירשע־דוד כּ״ץ.
די פֿרוי אין דעם ווידעאָ, בלומקע קאַץ, גיט איבער זכרונות וועגן איר ערשטן מאַן, שימקע יאַוויטש, וואָס איז דערשאָסן געוואָרן דורך די סאָוועטן נאָכן איבערגיין די גרענעץ פֿון ווילנע אין די 1930ער.
זי דערציילט אויך וועגן יאַוויטשעס זיידן, ר׳ יאַנקל־דוד יאַוויטש, וואָס איז געווען דער גבאי פֿון דער שנײַדערישער קלויז. „אָן אים פֿלעגט קיין איין תּפֿילה זיך ניט אָנהייבן,‟ האָט זי געזאָגט. ער איז אויך געווען אַ מלמד פֿון די עלטערע קינדער אין חדר, מיט וועמען ער האָט געלערנט גמרא און רשי.
אַ הויכפּונקט פֿונעם אינטערוויו איז ווען בלומקע קאַץ ווײַזט אַ פֿאָטאָגראַפֿיע פֿון אַ שׂימחה וואָס איז פֿאָרגעקומען בערך אין 1933 און גיט אָן די נעמען פֿון אַלע יונגע לײַט אינעם בילד.
דער ווידעאָ איז איינער פֿון הונדערטער אינטערוויוען מיט געבוירענע ייִדיש־רעדער, וואָס ק״ץ האָט פֿילמירט במשך פֿון זײַנע עקספּעדיציעס איבער ליטע זוכנדיק געבוירענע ייִדיש־רעדער. דעם ריזיקן ווידעאָ־אַרכיוו קען מען איצט געפֿינען אָנלײַן דאָ..
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
