ייִדישע פּיעסע וועגן פֿרויען באַעוולטע פֿון זייערע מענערA Yiddish play about women abused by their husbands
די דראַמע באַרירט אַ טעמע וואָס ווערט זעלטן דיסקוטירט: פֿרויען אין די חסידישע קרײַזן וואָס זייערע מענער באַלעסטיקן זיי.
Image by New Yiddish Rep
שבת־צו־נאַכטס, דעם 22סטן יאַנואַר, וועט זיך עפֿענען אין מאַנהעטן אַ פּיעסע אויף ייִדיש, „די פֿרויען‟, וואָס שילדערט דעם מצבֿ פֿון פֿרויען אין די חסידישע קרײַזן, וועלכע ווערן באַלעסטיקט פֿון זייערע מענער. די פּיעסע ווערט באַגלייט מיט ענגלישע אייבערקעפּלעך.
די פֿאָרשטעלונג, וואָס מע וועט נישט ווײַזן אָנלײַן, וועט פֿאָרקומען בײַ 155 ערשטער עוועניו, לעבן דער 10טער גאַס אין מאַנהעטן. מע וועט זי ווײַזן יעדן טאָג צווישן דעם 22סטן און דעם 30סטן יאַנואַר, 8 אַ זייגער אין אָוונט, און ס׳וועלן אויך זײַן בײַטאָגיקע פֿאָרשטעלונגען אין די זונטיקן, 3 אַ זייגער נאָך מיטאָג.
„די פֿרויען‟ איז באַזירט אויף דער דראַמע, „אַ מנין פֿון פֿרויען‟ פֿון נעמי רייגען, און איז באַאַרבעט געוואָרן פֿון צוויי פֿרויען וואָס זענען דערצויגן געוואָרן אין די חסידישע קרײַזן: מלכּי גאָלדמאַן און מעליסע ווײַס. רחל באָטשאַן רעזשיסירט זי.
„די פֿרויען‟ ווערט פּראָדוצירט פֿונעם „נײַעם ייִדישן רעפּ־טעאַטער‟, מיט דער שטיצע פֿונעם פּראָיעקט, „דער יאָרצענדליק פֿון אַנטפּלעקונג 2022: פֿרויען אויף ייִדיש‟ בײַם ייִדישן ביכער צענטער.
בילעטן קאָסטן 18$. כּדי צו באַשטעלן אַ בילעט, קלינגט 212-254-1109.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
