מע קען זיך שוין פֿאַרשרײַבן אויפֿן אָנלײַן־פֿעסטיוואַל, „ייִדיש ניו־יאָרק‟Online festival, Yiddish New York, open for registration
צווישן די וואַרשטאַטן: די געשיכטע פֿון ייִדיש בײַם „פּולין־מוזיי‟; אוצרות פֿון אַ נײַעם חזנות־אַרכיוו און ווי ייִדיש פֿיגורירט אויף „טיקטאָק‟.
Image by www.timeout.com
דער גרעסטער אַמעריקאַנער פֿעסטיוואַל פֿון ייִדישער קולטור, „ייִדיש ניו־יאָרק‟, וועט הײַיאָר ווידער פֿאָרקומען אָנלײַן, דערמעגלעכנדיק מענטשן איבער דער וועלט הנאה צו האָבן פֿון דער פֿילפֿאַרביקער פּראָגראַם.
דער פֿעסטיוואַל וועט פֿאָרקומען פֿונעם 25סטן ביזן 30סטן דעצעמבער 2021.
צווישן דער הויכער צאָל וואַרשטאַטן אין וועלכע מע קען זיך באַטייליקן זענען:
די פֿאָלקלאָריסטקע ברײַנדל קירשנבלאַט־גימבלעט וועט דערציילן וועגן דעם באַניץ פֿון ייִדיש בײַם „פּולין־מוזיי‟ אין וואַרשע — דער איינציקער מוזיי וווּ מע קען באַקומען דעם אוידיאָ־טור אויף ייִדיש.
ירמיה לאָקוווד וועט איבערגעבן וועגן דער גרינדונג פֿון אַ חזנות־אַרכיוו אָנלײַן וואָס נעמט אַרײַן די זאַמלונגען פֿון חזנים במשך פֿון די דורות, אַרײַנגערעכנט זעלטענע האַנט־געשריבענע פּאַרטיטורן פֿונעם אָנהייב 20סטן יאָרהונדערט.
אַ קאָכוואַרשטאַט אויף ייִדיש וועגן קניידלעך, אין וועלכן די קולינאַרע עקספּערטין איוו יאַכנאָוויץ וועט ווײַזן ווי צו מאַכן טראַדיציאָנעלע קניידלעך, ווי אויך וועגאַנישע און קניידלעך אָן גלוטען.
בנימין שעכטער וועט רעדן וועגן דער געשיכטע פֿון אַשכּנזישע ייִדישע משפּחה־נעמען.
„טיקטאָק‟־עקספּערטן קאַמעראָן בערנשטיין און אַבֿיגיל וויווער וועלן דערקלערן ווי מע קען ניצן די ריזיקע סאָציאַלע פּלאַטפֿאָרם צו שאַפֿן קורצע ווידעאָס אין אָדער וועגן ייִדיש.
די קולטור היסטאָריקערין וויווי לאַקס וועט גיבן לעקציעס וועגן ייִדישע בעלעטריסטישע שרײַבער אין לאָנדאָן במשך פֿון די 1930ער און 40ער.
בילעטן קען מען קויפֿן אויף באַזונדערע וואַרשטאַטן אָדער אויפֿן גאַנצן פֿעסטיוואַל. כּדי זיך צו פֿאַרשרײַבן גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
