דעם 2טן סעפּטעמבער: דער באָרשטבעלט איז געווען מער ווי אַ חבֿרה ייִדישע קאָמיקערSeptember 2: The Borscht Belt – much more than a bunch of comedians
אין דער זום־דיסקוסיע וועט מען באַשרײַבן די זומער־קולטור און לעבן־שטייגער פֿון אַ סך אַמאָליקע ייִדישע אימיגראַנטן און זייערע משפּחות.
Courtesy of Library of Congress
געוויינטלעך ווען מע דערמאָנט הײַנט דעם באָרשטבעלט — דאָס פּאָפּולערע וואַקאַציע־אָרט אין די ניו־יאָרקער קאַטסקיל־בערג במשך פֿון דער ערשטער העלפֿט פֿונעם 20סטן יאָרהונדערט — מיינט מען דאָס געבוירן־אָרט פֿון דער אַמעריקאַנער ייִדישער קאָמעדיע, און די קאָמיקער וואָס זענען באַווירקט געוואָרן דערפֿון ווי, למשל, דזשעקי מייסאָן וואָס איז אַוועק פֿון דער וועלט מיט אַ חודש צוריק.
אין דער אמתן האָט דער באָרשטבעלט אָבער באַטײַט אַ גאַנצע זומערדיקע קולטור און לעבן־שטייגער, פֿאַרקערפּערט פֿון אַמאָליקע אימיגראַנטן און זייערע משפּחות, און בפֿרט די ייִדישע.
דעם 2סטן סעפּטעמבער, 2:00 נאָך מיטאָג ניו־יאָרקער צײַט (11:00 אין דער פֿרי אויפֿן מערבֿ־ברעג), וועט שׂרה־רחל שעכטער, די שעף־רעדאַקטאָרשע פֿונעם פֿאָרווערטס, פֿירן אַ פּאַנעל־דיסקוסיע וועגן דער אייגנאַרטיקער געשיכטע פֿונעם באָרשטבעלט מיט אַ ריי עקספּערטן אויף דער טעמע: פֿיל בראַון, דער פּרעזידענט פֿונעם קאַטסקילס־אינסטיטוט און סאָציאָלאָגיע־פּראָפֿעסאָר אין נאָרט־איסטערן אוניווערסיטעט; עדי פּאָרטנוי — דער אַקאַדעמישער בעל־יועץ פֿונעם ייִוואָ און אַהרן בענדיטש, וואָס פֿירט אַ ראַדיאָ־פּראָגראַם אין די קאַטסקילס, „באָרשט ביט‟. דער שמועס וועט זײַן אויף ענגליש. כּדי זיך צו פֿאַרשרײַבן אויף דער זום־דיסקוסיע, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
