ווידעאָ: אַ לויבגעזאַנג פֿאַרן „לינקן” הינטל, לאַבזיקWATCH: An ode to the leftist dog, Labzik
דער אַקטיאָר מיכל יאַשינסקי זינגט וועגן דעם הינטעלע, וועמענס גורל עס איז „צו שטעקן זײַן שנוק אין רעוואָלוציעס טיר‟.
דעם פֿאַרגאַנגענעם פֿרילינג האָט מען טראַנסמיטירט אַן אַנימירטע פֿאָרשטעלונג אויף ייִדיש און ענגליש אויפֿן סמך פֿון כאַווער פּאַווערס פּאָפּולערע קינדער־דערציילונגען וועגן דעם „לינקן‟ הינטעלע, „לאַבזיק‟.
די אַנימאַציע, פּראָדוצירט דורך סטודענטן בײַם „עמאָרי‟־אוניווערסיטעט, וווּ עס אַרבעט די ייִדיש־פּראָפֿעסאָרשע און „לאַבזיק‟־איבערזעצערין מרים יודל, האָט אַרײַנגענומען די קולות פֿון עטלעכע פּראָפֿעסיאָנעלע אַקטיאָרן, מיט מיכל יאַשינסקי בראָש.
לעצטנס האָט מען אויף יוטוב אַרויפֿגעשטעלט אַ ווידעאָ פֿונעם אָנהייב — אַ מין לויבגעזאַנג פֿאַר לאַבזיקן, אין וועלכן יאַשינסקי, וואָס איז באַקאַנט פֿאַר זײַנע הומאָריסטישע ייִדישע לידער, זינגט אַ פּאַראָדיע פֿון אַבֿרהם גאָלדפֿאַדענס „ראָזשינקעס מיט מאַנדלען‟. עס באַגלייטן אים לאָרין סקלאַמבערג, דער הויפּטזינגער פֿון די „קלעזמאַטיקס‟, און די אַקטריסע ליסאַ פֿישמאַן. דער טעקסט פֿונעם ליד, וואָס דינט ווי אַ מין תּמצית פֿון דער גאַנצער פֿאָרשטעלונג, איז שאַפֿעריש, בפֿרט אַז מע פֿאַרגלײַכט די ענגלישע אונטערקעפּלעך מיט די ייִדישע ווערטער. להיפּוך צום ווײַסן ציגעלע אין „ראָזשינקעס מיט מאַנדלען‟, וואָס וועט ווערן אַ סוחר, איז לאַבזיקס גורל צו „שטעקן דעם שנוק אין רעוואָלוציעס טיר‟. און דאָס טוט ער טאַקע אין כּמעט יעדן מאָמענט פֿונעם פֿילם.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
