לעקציע: ווי עקספּעדיציעס אין די שטעטלעך האָבן אינספּירירט די פּיעסע, „דער דיבוק‟ (אויף ענגליש)LECTURE: How visits to the shtetls inspired the play, “The Dybbuk (in English)
דער מחבר, ש. אַנ־סקי, און זײַנע מיטאַרבעטער האָבן געזאַמלט איבער טויזנט בילדער און לידער בעת זייערע עטנאָגראַפֿישע עקספּעדיציעס.
Image by flickr
דאָנערשטיק דעם 8טן יולי, 4:30 נאָך מיטאָג ניו־יאָרקער צײַט, וועט ד”ר גבריאלה ספֿרן, פּראָפֿעסאָר פֿון ייִדישע לימודים בײַם סטאַנפֿאָרד־אוניווערסיטעט, האַלטן אַ לעקציע אויף ענגליש אויף דער טעמע, „ייִדישע עטנאָגראַפֿיע און ש. אַנ־סקי‟. די לעקציע קומט פֿאָר אין די ראַמען פֿון דער ייִוואָ־זומער־פּראָגראַם, אָבער זי איז אָפֿן פֿאַרן ברייטן עולם. די בילעטן, וואָס מע רעזערווירט פֿון פֿריִער, זענען פֿרײַ פֿון אָפּצאָל.
ספֿרן איז דער אָנערקענטער מומחה וועגן דעם לעבן פֿון ש. אַנ־סקי און האָט אָנגעשריבן די אויטאָריטאַטיווע ביאָגראַפֿיע, „פֿאַרוואָגלטע נשמה‟.
אַנ־סקי (1863־1920) איז הײַנט באַקאַנט, דער עיקר, פֿאַר זײַן פּיעסע „דער דיבוק‟, וואָס איז געוואָרן די באַרימטסטע ייִדישע פּיעסע פֿון אַלע צײַטן. אָבער ער איז אויך געווען אַ פּיאָנער פֿון דער ייִדישער עטנאָגראַפֿיע און אַ וויכטיקער פֿירער פֿון דער רוסישער רעוואָלוציאָנערער באַוועגונג. זײַן אמתער נאָמען איז געווען שלמה־זײַנוול ראַפּאָפּאָרט. דעם פּסעוודאָנים אַנ־סקי האָט ער פֿאַר זיך געשאַפֿן אין זײַן ראָלע ווי אַ פּראָפֿעסיאָנעלער רעוואָלוציאָנער.
אין די יאָרן 1911־1914 האָט ער אָנגעפֿירט מיט אַ סעריע עטנאָגראַפֿישע עקספּעדיציעס אין די שטעטלעך פֿונעם תּחום־המושבֿ. ער און זײַנע מיטאַרבעטערס האָבן דעמאָלט געמאַכט איבער אַ טויזנט פֿאָטאָגראָפֿיעס און רעקאָרדירט איבער אַ טויזנט ייִדישע לידער, 1,500 ייִדישע מעשׂיות און געקויפֿט 400 אָביעקטן פֿאַרן ייִדישן מוזיי אין פּעטערבורג. די דאָזיקע עקספּעדיציעס האָבן אים אינספּירירט צו שרײַבן „דער דיבוק‟, וואָס איז געוואָרן אַ דערפֿאָלג ערשט נאָך זײַן פּטירה אין 1920. ספֿרן וועט רעדן וועגן דעם שײַכות צווישן אַנ־סקיס עטנאָגראַפֿישער אַרבעט, זײַן פּיעסע און דער רוסישער פּאָליטיק פֿון זײַן צײַט.
כּדי צו רעזערווירן אַ בילעט, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
