לעקציע: דער פּאָעט, יעקבֿ גלאַטשיין, און דער ייִדישער כּעסLecture: The poet, Jacob Glatstein, and Jewish rage
אָנגעהויבן האָט ער ווי אַ מאָדערניסט אָבער ווי אַ סך ייִדישע פּאָעטן, האָט ער נאָכן חורבן אָנגעהויבן שרײַבן מער וועגן די ייִדן.
Image by Yiddish Book Center
דעם 22סטן יוני, 7 אַ זייגער אין אָוונט ניו־יאָרקער צײַט, וועלן ד׳׳ר שׂרה יודקאָף און ד׳׳ר שאול־נועם זאַריט האַלטן אַ רעפֿעראַט אויף ענגליש וועגן דעם גרויסן ייִדישן פּאָעט, יעקבֿ גלאַטשטיין. די לעקציע איז אָפֿן פֿאַר אַלעמען און פֿאָדערט ניט קיין ספּעציעלע קענטענישן אין פֿאָרויס, ווײַל די סעריע „גרויסע ייִדישע ביכער‟ בײַם ייִדישן ביכער־צענטער צילט צו באַקענען דעם ברייטן עולם מיט דער ייִדישער ליטעראַטור.
יעקבֿ גלאַטשטיין (1896־1971) איז געווען אַ צענטראַלע פֿיגור אין דער אַמעריקאַנער ייִדיש־וועלט אין 20סטן יאָרהונדערט. זײַן ליטעראַרישע קאַריערע ווי אַ פּאָעט און אַ קולטור־קריטיקער האָט זיך אָנגעהויבן אין דער תּקופֿה פֿון מאָדערניזם נאָך דער ערשטער וועלט־מלחמה און זיך געצויגן ביז לאַנג נאָך דער צווייטער וועלט־מלחמה. אַזוי ווי אַ סך אַנדערע פּאָעטן, האָט ער נאָכן חורבן אָנגעהויבן שרײַבן אין אַ מער ייִדישלעכן, נאַציאָנאַלן סטיל. כאָטש ער איז געוואָרן זייער פּאָפּולער בײַ דער ייִדיש־רעדנדיקער לייענערשאַפֿט, האָט מען איבערגעזעצט ווייניק פֿון זײַנע לידער אויף ענגליש און דער גרויסער אַמעריקאַנער עולם האָט נישט געוווּסט פֿון אים. דאָס איז געווען איין סיבה פֿאַר זײַן כּעס אויף דער ליטעראַרישער וועלט.
ד׳׳ר שׂרה (סאָני) יודקאָף איז אַ פּראָפֿעסאָר בײַם אוניווערסיטעט פֿון וויסקאָנסין אין מאַדיסאָן און ד׳׳ר שאול־נועם זאַריט איז דער פּראָפֿעסאָר פֿון ייִדישער ליטעראַטור אין האַרוואַרד. אַ גרויסער חלק פֿון זאַריטס פֿאָרשונג און פֿון זײַן נײַעם בוך, וואָס איז אַרויס פֿאַר אַ יאָרן, „אַמעריקאַנער ייִדישע ליטעראַטור און די וועלט־ליטעראַטור‟, איז געווידמעט גלאַטשטיינען.
אין דער לעקציע וועלן יודקאָף און זאַריט פֿאָרשטעלן זייער אייגענע פֿאָרשונג וועגן גלאַטשטיינען און אַרומרעדן עטלעכע טעקסטן זײַנע, וואָס ווײַזן אַרויס זײַן שעפֿערישקייט, זײַן טעאָריע פֿון ייִדיש ווי אַ פֿאָלקשפּראַך און ווי אַ שפּראַך פֿון קונסט, און זײַנע טעאָריעס וועגן דעם ייִדישן לעבן אין דער מאָדערנער וועלט.
זיי וועלן זיך קאָנצענטרירן אויף עטלעכע טעקסטן פֿון פֿאַרשיידענע תּקופֿות אין גלאַטשטיינס לעבן, אַרײַנגערעכנט די לידער „1919‟, „אַ גוטע נאַכט וועלט‟, „זונטיק־שטעטל‟, ווי אויך עטלעכע באַטראַכטונגען זײַנע וועגן דעם אָרט פֿון ייִדיש אין דער וועלט־ליטעראַטור.
נאָך דער לעקציע וועט זײַן צײַט צו שטעלן פֿראַגעס. מע קען זיך רעגיסטרירט אויף דער לעקציע דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
