ליטעראַרישע פֿײַערונג לכּבֿוד איציק מאַנגערס 120סטן געבוירן־טאָגLiterary celebration to mark songwriter Itzik Manger’s 120th birthday
די לידער פֿונעם גרויסן פּאָעט וועלן געזונגען ווערן פֿון די אַקטיאָרן און זינגער מײַק בורשטיין, שיין בייקער, מענדי כּהנא און שורה ליפּאָווסקי.
לייענט דעם אַרטיקל אויף ענגליש
דעם 30סטן מײַ ווערט 120 יאָר זינט דער גרויסער ייִדישער פּאָעט איציק מאַנגער איז געבוירן געוואָרן אין טשערנאָוויץ.
כּדי אָפּצומערן דעם יום־טובֿ וועלן עטלעכע ייִדישע אָרגאַניזאַציעס אין אַמעריקע, ענגלאַנד און ישׂראל דורכפֿירן אַ ליטעראַרישע פֿײַערונג מיטן נאָמען, „איציק און די גאָלדענע פּאַווע“.
מע וועט זינגען מאַנגערס לידער און געבן צו פֿאַרשטיין מיט וואָס זיי שיידן זיך אונטער פֿון ס׳רובֿ ייִדישע זינגלידער. מע וועט אויך פֿאָרלייענען פֿון זײַנע ווערק און אַרומרעדן זײַן לעבן און פּאָעטישן דרך. עס וועלן אָנטייל נעמען דער אַקטיאָר, מײַק בורשטיין, וואָס איז באַקאַנט פֿאַרן שפּילן אין מאַנגערס „מגילה־לידער“; דער אַקטיאָר און דירעקטאָר פֿונעם „ייִדישן קולטור־קאָנגרעס“, שיין בייקער; די ליטעראַטור־פֿאָרשערין חיהלע ביר; דער אַקטיאָר, זינגער און גרינדער פֿון „יונג־ייִדיש“, מענדי כּהנא; די זינגערין שורה ליפּאָווסקי; די זינגערין רות לעווין; די אָנפֿירערין פֿונעם קאַליפֿאָרניער ייִדישן אינסטיטוט, מירי קאָראַל; דער קאָמפּאָזיטאָר און דיריגענט פֿונעם „ייִדישן פֿילהאַרמאָנישן פֿאָלקסכאָר“, בנימין שעכטער און די פּאָעטעסע, רעדאַקטאָרין און לעקסיקאָגראַפֿין, גיטל שעכטער־ווישוואַנאַט.
די פּראָגראַם, וואָס ווערט אָרגאַנאַזירט דורך דער ייִדיש־ליגע, דעם ייִדישן קולטור־קאָנגרעס, „יונג־ייִדיש“, „אָט אַזוי“ (לאָנדאָן) און דעם „קאַליפֿאָרניער ייִדישן אינסטיטוט“, הייבט זיך אָן צוויי אַ זייגער נאָך מיטאָג ניו־יאָרקער צײַט. מע וועט אים קענען זען בחינם דורך „זום“ און „פֿייסבוק“.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
