ייִדישער ביכער־צענטער באַקומט גרויסע סובווענץYiddish Book Center receives major grant
די סובסידיע פֿון $350,000 איז אַ גרויס געווינס פֿאַרן פּראָיעקט פֿון בעל־פּה־געשיכטעס.
Image by Yiddish Book Center
דער ייִדישער ביכער־צענטער האָט באַקומען אַ סובווענץ פֿון $350,000 פֿונעם אַמעריקאַנער מלוכישן עולמות־פֿאָנד פֿאַר הומאַנטיסטיק, דעם National Endowment for the Humanities פֿאַר זײַן אָנגעזעענער סעריע ווידעאָ־אינטערוויוען מיט ייִדן איבער דער וועלט, באַקאַנט ווי דער פּראָיעקט פֿון בעל־פּה־געשיכטעס אויפֿן נאָמען פֿון וועקסלער.
דער ביכער־צענטער איז איינע פֿון בלויז 34 אָרגאַניזאַציעס איבערן לאַנד, וואָס האָבן באַקומען סובווענצן פֿון דעם מין. אין גאַנצן האָט דער NEH אויסגעטיילט 24 מיליאָן דאָלאַר.
אין די ראַמען פֿונעם וועקסלער־פּראָיעקט האָט מען שוין אינטערוויויִרט איבער אַ טויזנט מענטשן פֿאַרבונדן מיט דער ייִדישער שפּראַך און קולטור. די אינטערוויוען זײַנען, דער עיקר, אויף ענגליש און ייִדיש, אָבער מע האָט זיי אויך געמאַכט אויף רוסיש, פֿראַנצייזיש און פּאָרטוגעזיש — אין אַכצן פֿאַרשיידענע לענדער. די ווידעאָס פֿון די אינטערוויוען ווערן אַ טייל פֿון אַ גרויסן ווידעאָ־אַרכיוו אין אינטערנעץ.
דער ביכער־צענטער האָט שוין פֿריִער באַקומען אַזאַ NEH-סובווענץ פֿאַרן זעלבן פּראָיעקט, וואָס האָט דעמאָלט געשטיצט די אַרבעט צו טראַנסקריבירן און אינדעקסירן די אינטערוויוען. די נײַע סובווענץ וועט העלפֿן צו מאַכן מער צוטריטלעך די אינטערוויוען אין די פֿאַרשיידענע קאַטאַלאָגן און זוך־מאַשינען, וואָס באַדינען ביבליאָטעקן און אַנדערע ווינסשאַפֿטלעכע פּלאַטפֿאָרמעס. אַזוי וועלן פֿאָרשערס און סטודענטן קענען גרינג געפֿינען דעם מאַטעריאַל וואָס איז שייך צו זייער פֿאָרשונג.
קריסטאַ וויטני, וואָס פֿירט אָן מיטן וועקסלער־פּראָיעקט שוין איבער צען יאָר לאַנג, האָט אַליין געפֿירט אַ סך פֿון די אינטערוויוען. אין 2020 האָט דער פֿאָרווערטס זי אָנערקענט ווי אַ טייל פֿון די Forward 50 — אַ רשימה פֿון די השפּעהדיקסטע מענטשן אין דער אַמעריקאַנער ייִדישער געזעלשאַפֿט.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
