Image by Polin Museum

אין צוזאַמענהאַנג מיט אַ נײַער אויסשטעלונג וועגן 26 באַקאַנטע פּוילישע ייִדן פֿון פֿאַרשידענע פּאָליטישע און רעליגיעזע הינטערגרונטן, אָרדנט דער וואַרשעווער ”פּולין־מוזיי“ אײַן אַ סעריע שמועסן מיט קינדער און אייניקלעך פֿון די פּערזענלעכקייטן וואָס ווערן דאָרטן געשילדערט.

ווי אַ טייל פֿון דער סעריע, „באַקענט זיך מיט דער משפּחה“, וועט נעמי זײַדמאַן, אַ ליטעראַרישע פֿאָרשערין און היסטאָריקערין בײַם טאָראָנטער אוניווערסיטעט, זונטיק, דעם 11טן אַפּריל, 2:00 נאָך מיטאָג ניו־יאָרקער צײַט, שמועסן מיט ברײַנדל קירשנבלאַט־גימבלעט, דער הויפּט־קוראַטאָרין פֿונעם „פּולין־מוזיי“, וועגן איר טאַטן, הלל זײַדמאַן, זײַן פֿילזײַטיקער קאַריערע און ווי זײַן לעבן האָט אָפּגעשפּיגלט אַ סינטעז פֿון די אַקאַדעמישע און רעליגיעזע תּחומים.

זײַדמאַן איז געווען אַ חסידישער זשורנאַליסט, היסטאָריקער און כּלל־טוער, וואָס האָט פֿאַר דער מלחמה באַקומען אַ דאָקטאָראַט אין געשיכטע בײַם וואַרשעווער אוניווערסיטעט און זיך געלערנט בײַם גרויסן היסטאָריקער, מאיר באַלאַבאַן.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

פֿון 1941 ביז 1943 איז ער געווען דער אַרכיוויסט און סעקרעטאַר בײַם יודענראַט אין וואַרשעווער געטאָ און האָט אָנגעפֿירט מיט אַ טאָגבוך, וואָס איז נאָך דער מלחמה [פּובליקירט געוואָרן] (https://www.yiddishbookcenter.org/collections/yiddish-books/spb-nybc207587/seidman-hillel-tog-bukh-fun-varshever-geto) אויף פֿיר שפּראַכן. זײַן טאָגבוך שילדערט איבערהויפּט דאָס לעבן פֿון די פֿרומע ייִדן אין געטאָ און באַשרײַבט ווי אַזוי רבנים האָבן רעאַגירט אויפֿן גענאָציד.

אין אַמעריקע איז זײַדמאַן געווען אַן אַקטיווער כּלל־טוער, געדינט ווי דער פּרעזידענט פֿון אַן אָרגאַניזאַציע פֿון שארית־הפּליטה ייִדן און געאַרבעט ווי אַ זשורנאַליסט. ער האָט אויך מחבר געווען אַ צאָל ביכער אויף ייִדיש, העברעיִש, פּויליש און ענגליש וועגן דער ייִדישער געשיכטע, כּשרות, עטלעכע בענד געווידמעט דער סדרה פֿון דער וואָך און זכרונות וועגן רבנים וועמען ער האָט געקענט. זײַנע כּתבֿים נעמען אַרײַן סײַ ווערק פֿאַר אַן אלגעמיינעם עולם, סײַ ספֿרים פֿאַר פֿרומע ייִדן און מאָנאָגראַפֿיעס פֿאַר אַקאַדעמיקער.

כּדי צו זען די פּראָגראַם, וואָס איז בחינם, גיט אַ קוועטש דאָ.

A message from our Publisher & CEO Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount