Image by Ben Yehuda Press

די קומענדיקע וואָך וועט אַרויסגעלאָזט ווערן אַ קינדערביכל אויף ייִדיש וועגן דער קאָראָנאַ־ווירוס־פּאַנדעמיע.

דאָס ביכל, „פּסח אין אַ מגפֿה“, געשריבן פֿון הרבֿ אַבֿרהם מלאָטעק, דערציילט ווי די יונגע רויה קען ניט פֿײַערן דעם יום־טובֿ מיט איר באָבען. אויף דער פֿראַגע, צי די באָבע האָט אַמאָל פֿריִער געדאַרפֿט זײַן אַליין אום פּסח, דערקלערן אירע עלטערן וועגן דער באָבעס קינדעריאָרן אין וואַרשעווער געטאָ. דאָס ביכל קען מען אויך באַשטעלן אויף ענגליש.

מלאָטעק איז דער רבֿ בײַם גרויסן מאַנהעטענער „ייִדישן קהילה־צענטער“ אויפֿן נאָמען פֿון מאַרלען מײַערסאָן. זײַנע באָבע־זיידע זענען געווען די שרײַבער, קולטור־טוער און דערציִער, יוסף און חנה מלאָטעק.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

דאָס ביכל ווערט אַרויסגעגעבן דורכן „פֿאַרלאַג אויפֿן נאָמען פֿון בן־יהודה“, וואָס איז ניט קיין פּנים־חדשות אין דער וועלט פֿון דער ייִדיש־פֿאַרלעגערײַ. די פֿירמע פֿאַרקויפֿט אויך עטלעכע באַקאַנטע קינדערביכער אויף מאַמע־לשון אין שלום בערגערס איבערזעצונג, אַרײַנגערעכנט ד׳׳ר סוסעס „די קאַץ דער פּאַיאַץ“ און „איין פֿיש, צוויי פֿיש, רויטער פֿיש, בלויער פֿיש“.

פֿאַר דערוואַקסענע לייענער, האָט דער פֿאַרלאַג אויך לאַנצירט אַ סעריע צוויישפּראַכיקע אויפֿלאַגעס פֿון ווייניק־באַקאַנטע ווערק פֿון דער ייִדישער ליטעראַטור. עס איז לעצטנס אַרויס אַ זאַמלונג דערציילונגען פֿון סאַלאָמעאַ פּערל „די קאַנווע“ אויף ייִדיש באַגלייט פֿון רות מורפֿיס ענגלישע איבערזעצונגען, און אין דעצעמבער וועט ער פּובליקירן יוסף אָפּאַטאָשוס ראָמאַן, „היברו“, אויף ייִדיש און אין שלומית בערגערס איבערזעצונג.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount