אַ געלעגנהייט צו הערן סוצקעווערס פּראָזעלידער אויף ייִדיש און ענגלישOpportunity to hear Sutzkever‘s prose poems in Yiddish and English
שלום בערגער וועט פֿאָרלייענען אויסצוגן פֿון ווערק וואָס ער האָט איבערגעזעצט, און די אַקטריסע מרים־חיה סגל וועט זיי פֿאָרלייענען אויף ייִדיש.
Image by Yiddish Book Center
ביז לעצטנס האָבן די לייענער פֿון ענגליש געהאַט ווייניק צוטריט צו אַבֿרהם סוצקעווערס פּראָזע־ווערק אַזוי ווי „די נבֿואה פֿון שוואַרצאַפּל“, „גרינער אַקוואַריום“ און „דאָרטן, וווּ עס נעכטיקן די שטערן“, וואָס פֿאַרווישן די גרענעצן צווישן פּראָזע און פּאָעזיע , זכרונות, רעפּאָרטאַזש און בעלעטריסטיק. אַ דאַנק שלום בערגערס נײַעם באַנד איבערזעצונגען קען דער ברייטער עולם זיך דערוויסן וועגן סוצקעווערס „פּראָזע־לידער“ און קורצע דערציילונגען, וואָס זענען פֿריִער אָדער ניט־איבערגעזעצט געוואָרן, אָדער בלויז בנימצא אין פֿאַרשידענע אַנטאָלאָגיעס.
מיטוואָך, דעם 24סטן מאַרץ, 7:00 אין אָוונט ניו־יאָרקער צײַט, וועט „קווינס־אוניווערסיטעט“ אין קינגסטאָן, אָנטעריאָ, טראַנסמיטירן אַ צוויי־שפּראַכיקע פֿאָרלייענונג פֿון סוצקעווערס פּראָזע־ווערק. אין דער פּראָגראַם, „קושן דורכן גלאָז: די פּראָזע־לידער פֿון אַבֿרהם סוצקעווער ווי אַ קאָנסטרוקטיוון אָפּרוף אויף טראַגעדיע“, וועט שלום בערגער פֿאָרלייענען פֿון זײַנע איבערזעצונגען אויף ענגליש און די ייִדישע אַקטריסע און זינגערין מרים־חיה סגל וועט פֿאָרלייענען די אָריגינעלע ייִדישע טעקסטן. שלום בערגער וועט אויך רעדן וועגן סוצקעווערס לעבן און דער איינגאַרטיקייט פֿונעם לשון אין זײַנע פּראָזע־ציקלען.
די פּראָגראַם איז בחינם. כּדי זיך צו פֿאַרשרײַבן, גיט אַ קוועטש דאָ.
ס׳איז כּדאַי צו דערמאָנען, אַז כאָטש די ענגליש־שפּראַכיקע ליטעראַרישע וועלט נעמט איצט אָן סוצקעווערס פּראָזע־ווערק ווי אַ נײַע אַנטדעקונג, האָבן פֿאָרשער שוין פֿון לאַנג שטאַרק אָפּגעשאַצט די דאָזיקע דערציילונגען. רות ווײַס האָט, למשל, געשריבן איר מאַגיסטער־טעזיס וועגן „גרינער אַקוואַריום“ אין 1961 און שפּעטער געשריבן אַ הקדמה צום באַנד, וואָס איז אַרויס אויף ייִדיש און אויף ענגליש אין איר אייגענער איבערזעצונג.
מע קען, דרך־אַגבֿ, אַחוץ ענגליש און העברעיִש, אויך לייענען סוצקעווערס פּראָזע אויף אַנדערע שפּראַכן. אין 2017 איז אַרויס „גרינער אַקוואַריום“ אויף דעניש און דאָס בוך קען מען אויך קריגן אויף רוסיש, און פֿראַנצייזיש.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
