ווידעאָ: ווען „דער קוואַטער“ וואָלט גערעדט ייִדישWATCH: If the Godfather had spoken Yiddish
דאָ טרינקט מאַרלאָן בראַנדאָס באַרימטער העלד, וויטאָ קאָרלעאָנע, טיי אַנשטאָט קאַווע, און די ניט־איטאַליענער ווערן גערופֿן „גויים“.
אַז מע האָט שוין איבערגעזעצט „הערי פּאָטער“ אויף מאַמע־לשון, פֿאַר וואָס ניט פּאָפּולערע פֿילמען?
קיין פּראָפֿעסיאָנעלע נוסחאָות פֿון האָליוווּד־פֿילמען מיטן דיאַלאָג אונטערגערעדט אויף מאַמע־לשון זענען ניט פֿאַראַן, אָבער מע קען יאָ געפֿינען עטלעכע באַרימטע סצענעס געשאַפֿן דורך אַמאַטאָרן.
לייזער בורקאָ, אַ היסטאָריקער פֿון דער ייִדישער לינגוויסטיק און אַן אַקטיאָר, האָט מיט עלף יאָר צוריק איבערגעזעצט די ערשטע סצענע פֿונעם לעגענדאַרן האָליוווּדער פֿילם „דער קוואַטער“ וועגן דעם מאַפֿיע־קאָפּ, וויטאָ קאָרלעאָנע. די ייִדישע איבערזעצונג איז אַ בוכשטעבלעכע, אַחוץ דעם וואָס מאַרלאָן בראַנדאָס העלד טרינקט טיי אַנשטאָט קאַווע, און דער מאַן וואָס קומט אים בעטן אַ טובֿה דערמאָנט ניט די „ניט־איטאַליענער“, אַזוי ווי אינעם פֿילם, נאָר „די גויים“. אַפֿילו מיט די צוויי דאָזיקע קליינע וויצלעך, מאַכט דאָן וויטאָ קאָרלעאָנע פּונקט אַזאַ אימפּאָזאַנטן רושם אויף מאַמע־לשון, ווי אויף ענגליש און איטאַליעניש.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
