אָנלײַן ווידעאָ־פּראָיעקט געווידמעט אײַדע מאַזעס קינדערלידערOnline video project dedicated to Ida Maze’s children’s poetry
די ייִדיש־לערערין שולי אלישבֿע וועט יעדן טאָג פֿאָרלייענען און זינגען אַ ליד, באַגלייט פֿון אַ נײַער מוזיקאַלישער קאָמפּאָזיציע.
Image by Yiddish Book Center
די ראָד־אײַלענדער ייִדיש־לערערין שולי אלישבֿע האָט לעצטנס לאַנצירט אַ ווידעאָ־פּראָיעקט געווידמעט אײַדע מאַזעס קינדער־פּאָעזיע. יעדן טאָג אַחוץ שבת און יום־טובֿ וועט זי פֿאָרלייענען נאָך אַ ליד פֿון מאַזעס זאַמלונג, „וואַקסן מײַנע קינדערלעך“ און זינגען דאָס ליד באַגלייט פֿון אַן אָריגינעלער מוזיקאַלישער קאָמפּאָזיציע.
די ווידעאָס וועט מען קענען זען דורך איר יוטוב־קאַנאַל.
אײַדע מאַזע איז געווען אַ באַרימטע פּערזענלעכקייט אויף דער ייִדישער גאַס אין מאָנטרעאָל, וווּ איר דירה האָט געדינט פֿאַר אַ ליטעראַרישן סאַלאָן פֿאַר אַלע ייִדישע פּען־מענטשן. ווי אַ פּאָעטעסע איז זי קודם באַקאַנט פֿאַר אירע לידער וועגן קינדער. ווי עס שטייט אין איר הקדמה צו דער זאַמלונג „וואַקסן מײַנע קינדערלעך“, האָט זי מיט אירע לידער פּרובירט צו געבן דער צפֿון־אַמעריקאַנער ייִדישער יוגנט לידער וואָס זיי זאָלן קענען הנאה האָבן דערפֿון און דערבײַ זיך עפּעס אויסלערנען. און ס׳איז איר טאַקע געלונגען. מע קען, למשל, הערן אין אָט דער רעקאָרדירונג, ווי קינדער פֿון די מאָנטרעאָלער ייִדישע זונטיקשולן לייענען אַליין פֿאָר אײַדאַ מאַזעס לידער.
שולי אלישבֿע איז אַ ייִדישע לערערין, קאָמפּאָזיטאָרין און פּאָעטעסע. זי איז אויך אַן עקספּערטין אין דער געשיכטע פֿון ייִדישער מוזיק און האָט לעצטנס באַקומען איר דאָקטאָראַט אין היסטאָרישער מוזיקאָלאָגיע פֿונעם ניו־יאָרקער אוניווערסיטעט. זי האָט געשריבן איר טעזיס וועגן דעם פֿידל־שפּילער און קאָמפּאָזיטאָר יוסף אַחרון.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
