ווידעאָ: אַ ליד פֿאַר אַלע סעזאָנעןWATCH: A song for every season
לוסעט וואַן־דען בערג זינגט דער פּאָעטעסע שׂרה רייזענס „איר מײַן לידער קראַנץ“, באַגלייט פֿון איר אייגענער קאָמפּאָזיציע.
Image by Lucette Van Den Berg
די וואָך האָט די האָלענדישע סאָפּראַנאָ לוסעט וואַן דען בערג אַרויסגעלאָזט אַ מוזיק־ווידעאָ, אין וועלכן זי זינגט „איר מײַן לידער קראַנץ“, געשריבן פֿון דער פּאָעטעסע שׂרה רייזען, באַגלייט פֿון אָריגינעלער מוזיק.
אַזוי ווי איר פֿריִערדיקער מוזיק־ווידעאָ פֿון רחל קאָרנס „מײַן לײַב“, וואָס זי האָט אַרויסגעלאָזט אין סעפּטעמבער, באַהאַנדלט דאָס ליד אַ פֿרויס געפֿילן בײַם באַמערקן ווי עס פֿליִען פֿאַרבײַ די יאָרן. דער טעקסט פֿאַרגלײַכט די געשעענישן פֿון אַ לעבן מיט לידער וועגן בלומען — געוויסע זענען פֿריילעכע, און אַנדערע טרויעריקע, אָבער זיי זענען אַלע כּדאַי צו זינגען אין פֿאַרשידענע מאָמענטן.
שׂרה רייזען, אַזוי ווי אסתּר קרײַטמאַן און אירע ברידער, י. י. און יצחק באַשעוויס זינגער, איז געווען אַ טאַלאַנטירטע שרײַבערין, וואָס איז הײַנט אַ סך ווייניקער באַקאַנט ווי אירע ברידער, אַבֿרהם און זלמן רייזען. אַ געבוירענע אין קוידענעוו, ווײַסרוסלאַנד, האָט זי זיך יונגערהייט אויסגעצייכנט ווי אַן איבערזעצערין פֿון ייִדיש אויף רוסיש. שפּעטער איז זי געוואָרן באַרימט פֿאַרן היפּוך — זי איז געווען איינע פֿון די בעסטע איבערזעצער פֿון רוסיש אויף ייִדיש און האָט געהאָלפֿן פּאָפּולאַריזירן דאָס לייענען די רוסישע קלאַסיקער אויף מאַמע־לשון אין די ייִדישע וועלטלעכע שולן. זי האָט אויך געאַרבעט ווי אַ לערערין, געשריבן הונדערטער אַרטיקלען פֿאַר ייִדישע צײַטונגען, דעם פֿאָרווערטס בתוכם, און אַרויסגעלאָזט עטלעכע זאַמלונגען לידער.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
