ווידעאָ: סטענדאַפּ־קאָמיקערין נעמט זיך צו די דאָקטוירים און שפּיטעלערWATCH: Yiddish stand-up comedienne goes after doctors and hospitals
די אַקטריסע שׂרהלע פֿעלדמאַן טרעט אויף מיט אַ הומאָריסטישן מאָנאָלאָג וועגן אָפּעראַציעס און אַנדערע מעדיצינישע „אומגליקן“.
Image by Youtube
לעצטנס האָט מען אַרויפֿגעשטעלט אויף יוטוב אַן אַלטן ווידעאָ, פֿילמירט, אַ פּנים, אין די סוף־1980ער אָנהייב 1990ער יאָרן, וווּ די אַקטריסע שׂרהלע פֿעלדמאַן ז׳׳ל טרעט אויף ווי אַ סטענדאַפּ־קאָמיקערין.
ניט געקוקט אויף דעם וואָס דער ווידעאָ איז בלויז אויף ייִדיש אָן קיין אונטערקעפּלעך, האָט מען במשך פֿון צוויי וואָכן אים שוין געזען מער ווי 10,000 מאָל.
אינעם סאַטירישן סקעטש, דערציילט פֿעלדמאַן וועגן אירע כּלומרשטיקע טענות צו דאָקטוירים, מעדיקאַמענטן און שפּיטעלער, און גיט איבער די פֿאַרשידענע אָפּעראַציעס און אַנדערע מעדיצינישע „אומגליקן“, וואָס איר מאַן מאַכט דורך. כאָטש די טעמע איז אַן אָפֿטע בײַ ייִדיש־שפּראַכיקע קאָמיקער, איז אָט דער ווידעאָ דווקא איינער פֿון די בעסטע פֿונעם זשאַנער, וואָס איך האָב אַמאָל געזען.
כאָטש מע קען זען אַ סך ווידעאָס פֿון פֿעלדמאַנס אויפֿטריטן פֿון די 1970ער ביז די 2010ער יאָרן אויף איר אייגענעם יוטוב־קאַנאַל, אַרײַנגערעכנט קאָמעדיע, קאָנצערטן און מאָנאָלאָגן פֿון דער ייִדישער ליטעראַטור, איז מיר ניט געלונגען צו געפֿינען קיין ביאָגראַפֿישע פּרטים וועגן איר אָנלײַן. טאָמער ווייסט איר וועגן איר לעבן און קאַריערע, שרײַבט מיר אויפֿן אַדרעס kutzik@forward.com.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
