סעריע רעפֿעראַטן וועגן משה קולבאַקס פּאָעמע, „רײַסן“Series of lectures on Moyshe Kulbak’s epic poem, “Raysn’’
מאַרק קאַפּלאַן וועט דערקלערן פֿאַר וואָס דאָס ליד קען באַטראַכט ווערן ווי אַ נאַציאָנאַלן עפּאָס פֿאַרן ווײַסרוסישן ייִדנטום.
Image by Eliot Gordin Levitan
געוויינטלעך, ווען אַ פֿאָרשער האַלט אַ סעריע רעפֿעראַטן וועגן דער ייִדישער ליטעראַטור, פֿאָקוסירט ער אָדער זי אויף אַ ריי ווערק פֿון איין שרײַבער אָדער אויף אַ ליטעראַרישער באַוועגונג און ניט אויף איין ליד צי דערציילונג. דערפֿאַר איז אַזוי אייגנאַרטיק די סעריע רעפֿעראַטן וואָס ווערן אײַנגעאָרדנט דורך דער רוסישער אָרגאַניזאַציע „אשכּולות“, דורך וועלכער דער עולם וועט זיך באַקענען מיט בלויז איין ייִדישער פּאָעמע: משה קולבאַקס „רײַסן“.
אין די רעפֿעראַטן, וואָס וועלן פֿאָרקומען יעדן מיטוואָך, פֿונעם 18טן נאָוועמבער ביזן 9טן דעצעמבער, 8:00 אין אָוונט מאָסקווער צײַט (12:00 מיטאָג ניו־יאָרקער צײַט), וועט ד׳׳ר מאַרק קאַפּלאַן (דאַרטמאָט־קאַלעדזש) דערקלערן פֿאַר וואָס די עפּישע פּאָעמע איז אַזאַ אוניקאַלע אין דער ייִדישער ליטעראַטור.
די פּאָעמע, וואָס שילדערט דאָס לעבן פֿון אַ גרופּע ווײַסרוסישע ייִדישע פֿאַרמער און איבערהויפּט אַ בחור וואָס פֿאַרליבט זיך אין אַ ניט־ייִדישן מיידל, באַטראַכט קאַפּלאַן ווי אַ מין אַלטערנאַטיוון נאַציאָנאַלן עפּאָס פֿאַרן ווײַסרוסישן ייִדנטום. קאַפּלאַן וועט אַרומרעדן די פּאַראַדאָקסן פֿונעם לידס סטרוקטור און געוויסע קנייטשן וועגן קולבאַקס לשון. ער וועט אויך באַהאַנדלען די אופֿנים, ווי אַזוי די טעמאַטיק פֿון דער פּאָעמע, למשל דער פֿאַקט וואָס זי שילדערט דאָרפֿישע ייִדישע פֿאַרמער, שיידט זיך אונטער פֿון אַנדערע ייִדישע טעקסטן.
די פּראָגראַם, אויף ענגליש, איז בחינם, אָבער מע מוז זיך פֿאַרשרײַבן פֿון פֿריִער.
מע קען, דרך־אגבֿ, אַראָפּלאָדן דעם טעקסט פֿון „רײַסן“ ווי אַ פּי־די־עף, און דערבײַ הערן ווי דער גרויסער ייִדישער רעציטאַטאָר הערץ גראָסבאַרד לייענט פֿאָר די פּאָעמע.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
