אַ זעלטענע שטעלע אין ייִדישלאַנדA rare full-time position in Yiddishland
דער לאָנדאָנער „אוניווערסיטעט־קאַלעדזש“ זוכט עמעצן, וואָס קען סײַ לערנען סטודענטן ייִדיש פֿולצײַטיק, סײַ אָנשרײַבן פֿאָרש־אַרטיקלען.
Image by Wikimedia Commons
די אָפּטיילונג פֿאַר יודאַיִסטיק בײַם לאָנדאָנער „אוניווערסיטעט־קאַלעדזש“ זוכט אַ פֿולצײַטיקן ייִדיש־פּראָפֿעסאָר, וואָס וועט אָנהייבן אַרבעטן אין סעפּטעמבער 2021. (כאָטש דער פּאָסטן הייסט אויף ענגליש אַ lecturer, איז דער טערמין אין ענגלאַנד טײַטש מער־ווייניקער די זעלביקע שטעלע ווי אַ געהילף־פּראָפֿעסאָר אין אַמעריקע).
די אָפּטיילונג, וואָס איז די גרעסטע און עלטסטע פֿון יודאַיסטיק אין גרויס־בריטאַניע, זוכט אַ קאַנדידאַט וואָס זאָל קענען לערנען ביז־גראַדויִר און גראַדויִר־סטודענטן די ייִדישע שפּראַך; לערנען קלאַסן וועגן דער ייִדישער ליטעראַטור און קולטור; אַרויסגעבן אָריגינעלע פֿאָרש־אַרטיקלען, און דערליידיקן אַדמינסטראַטיווע עובֿדות. דער פּראָפֿעסאָר וועט אויך העלפֿן רעקרוטירן גראַדויִר־סטודענטן, שאַפֿן ניט־אַקאַדעמישע פּראָגראַמען פֿאַרן ברייטן עולם און אָנשרײַבן לערנפּלענער. דאָס שׂכירות פֿאַרן פּאָסטן איז £44,737 ביז £52,764 פֿונט.
דער קאַנדידאַט דאַרף שוין האָבן אַ דאָקטאָראַט, קענען פֿליסיק רעדן ייִדיש, האָבן פּראַקטיק ווי אַ שפּראַכלערער, און זײַן באַהאַוונט אין לערנען אָנלײַן. ער אָדער זי דאַרף שוין האָבן געהאַט פּובליקירט אַקאַדעמישע אַרטיקלען וועגן דער ייִדישער שפּראַך, קולטור אָדער ליטעראַטור, און האָבן דערפֿאַרונג מיטן שאַפֿן געלט פֿאַר אַקאַדעמישע צוועקן.
אַפּליקאַציעס וועט מען אָננעמען ביזן 30סטן נאָוועמבער 2020. דעם אַפּליקיר־בויגן קען מען געפֿינען דאָ.
די פֿינאַליסטן פֿאַרן פּאָסטן וועלן פֿאַרבעטן ווערן אויף אַ פֿאַרהער, אין וועלכן זיי וועלן האַלטן אַ רעפֿעראַט וועגן זייער פֿאָרש־אַרבעט און ענטפֿערן אויף פֿראַגעס אויף ייִדיש און ענגליש. מע וועט מאַכן די פֿאַרהערן און פֿאָרמעלע אינטערוויוען אין יאַנואַר.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
