אָנלײַן־זינגערײַען און וואַרשטאַטן מיטן „ייִדישן פֿילהאַרמאָנישן פֿאָלקסכאָר“Online workshops and sing-alongs with the Jewish People’s Philharmonic Chorus
בנימין שעכטער, דער דיריגענט פֿונעם כאָר, וועט לערנען וועגן דער מוזיק און געשיכטע פֿון ייִדישע לידער.
Image by Asaf Blasberg
ניט געקוקט אויפֿן קאָראָנאַ־ווירוס־מצבֿ, גייט בנימין שעכטער, דער דיריגענט פֿונעם ייִדישן פֿילהאַרמאָנישן פֿאָלקסכאָר,ווײַטער אָן מיט זײַן טעטיקייט.
איצט אָרגאַניזירט ער אַ סעריע אָנלײַן־פּראָגראַמען צו לערנען דעם ברייטן עולם אַ ביסל וועגן דער ייִדישער מוזיק. דערבײַ וועט מען אויך זינגען בציבור.
אין די פּראָגראַמען, וואָס וועלן פֿאָרקומען יעדן מאָנטיק, 7:00 אַ זייגער אין אָוונט ניו־יאָרקער צײַט, פֿונעם 2טן נאָוועמבער ביזן 16טן נאָוועמבער, און דערנאָך ממשיך זײַן אין דעצעמבער, וועט מען אַנאַליזירן עטלעכע לידער און זיי זינגען צוזאַמען. מע וועט דערבײַ אַרומרעדן די סטרוקטור פֿונעם ליד, ווי אויך זײַן מעלאָדיע און הויפּט־מאָטיוון.
מע וועט באַטראַכטן די ווערטער וואָס ווערן גענוצט אינעם טעקסט און זייערע אַרויסריידן און עטימאָלאָגיעס, ווי אויך דעם היסטאָרישן קאָנטעקסט פֿונעם ליד. קודם וועט מען אײַנפֿירן לידער מיט פּשוטע ווערטער וואָס חזרן זיך איבער אַזוי ווי „בולבעס“ און אַרומרעדן פֿאַר וואָס לידער מיט פּשוטע טעקסטן האָבן אַמאָל לאוו־דווקא אַ גרינגע מעלאָדיע. יעדע סעסיע וועט ווערן געווידמעט אַ טעמע, למשל האַרבסט, חנוכּה, עסן וכדומה.
די וואָס ווילן אָנטייל נעמען אין דער ערשטער סעסיע, וואָס איז בחינם, זאָלן זיך פֿאַרשרײַבן פֿון פֿריִער דורכן שיקן אַ בריוו information@thejppc.org.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
