קורס וועט העלפֿן סטודענטן בעסער פֿאָרצולייענען אויף ייִדישCourse will help students improve their reading aloud in Yiddish
אַוואַנסירטע אָנהייבער און מיטנדיקע סטודענטן וועלן פֿאַרבעסערן זייער שפּראַך־קענטעניש דורכן פֿאָרלייענען שלום־עליכמס „דאָס מעסערל“.
Image by YIVO Institute
פֿאַר די ייִדיש־סטודענטן וואָס קענען שוין לייענען מאַמע־לשון אָבער דאַרפֿן די הילף פֿון אַ לערער דערבײַ, וועט דער ייִוואָ דורכפֿירן אַ שפּראַכקלאַס מיט אַנאַ־פֿישמאַן גאָנשאָר געווידמעט דער ייִדישער קינדער־ליטעראַטור. די סטודענטן, אַוואַנסירטע אָנהייבער און מיטנדיקע, וועלן צוזאַמען לייענען אַ פֿאַרקירצטן נוסח פֿון שלום־עליכמס דערציילונג „דאָס מעסערל“, ווי אויך כעלעמער מעשׂיות און אַנדערע דערציילונגען פֿאַר קינדער. די סטודענטן וועלן האָבן אַ געלעגנהייט צו פּראַקטיצירן בײַ זיך אין דער היים מיט רעקאָרדירונגען וואָס חנה גאָנשאָר וועט זיי איבערשיקן, און אַזוי אַרום פֿאַרבעסערן זייער אַרויסרייד איידער זיי לייענען פֿאָר די טעקסטן אין קלאַס.
מע וועט אויך דיסקוטירן די דערציילונגען אויף ייִדיש, די סטודענטן זאָלן האָבן אַ געלעגנהייט צו אַנטוויקלען אַ ביסל מער צוטרוי צו זיך בײַם רעדן אויף מאַמע־לשון.
דער קלאַס, געלערנט דורך „זום“, וועט פֿאָרקומען יעדן דאָנערשטיק, פֿון 6:00 ביז 7:30 אַ זייגער אין אָוונט ניו־יאָרקער צײַט, פֿונעם 5טן נאָוועמבער ביזן 24סטן דעצעמבער. דער שׂכר־לימוד איז $175 פֿאַר ייִוואָ־מיטגלידער, $250 פֿאַרן ברייטן עולם און $100 פֿאַר פֿולצײַטיקע סטודענטן.
כּדי צו באַקומען נאָך אינפֿאָרמאַציע און זיך צו פֿאַרשרײַבן, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
