איינמאָליקע אָנלײַן־פֿאָרשטעלונג: „קינדערלעך און ייִדיש — דער ווידערטרעף“One-time online performance: Kids and Yiddish – the Reunion Special
אין דער פֿאָלסקסבינע־פּראָגראַם טרעטן אויף אַקטיאָרן און זינגער, וואָס האָבן געשפּילט אין דער פֿאָרשטעלונג מיט פֿופֿצן יאָר צוריק.
Image by Folksbiene
דער זינגער אלישע מלאָטעק און זײַן ברודער, ראַבײַ אַבֿרהם מלאָטעק, זענען ווי קינדער אויפֿגעטראָטן אין דער פּאָפּולערער פֿאָלקסבינע־פּראָגראַם Kids and Yiddish (קינדערלעך און ייִדיש). לעצטנס האָבן זיי אין איינעם פּראָדוצירט דעם „קינדערלעך און ייִדיש — אַ ספּעציעלער ווידערטרעף“, וואָס די פֿאָלקסבינע האָט טראַנסמיטירט אָנלײַן מאָנטיק, דעם 5טן אָקטאָבער. מע וועט ווײַטער קענען זען די פֿאָרשטעלונג ביז פֿרײַטיק, דעם 9טן אָקטאָבער, איינס אַ זייגער נאָכמיטאָג.
אַזוי ווי די ברידער מלאָטעק, זענען אַ סך פֿון די זינגער און אַקטיאָרן אין דער איצטיקער פֿאָרשטעלונג אויך אויפֿגעטראָטן אין דער אַמאָליקער פֿאָרשטעלונג ווי קינדער. דערצו זעט מען אין דער פֿאָרשטעלונג אויך די קינדער פֿון יענע אַמאָליקע באַטייליקטע!
מײַקל פֿאָקס, זלמן מלאָטעק און דזשאָען באָרץ, וואָס האָבן אָנגעשריבן די אָריגינעלע קאָנצערט־פּראָגראַם אין 1998, האָבן צוזאַמענגעאַרבעט מיט אלישע און אַבֿרהם מלאָטעק, כּדי צו שאַפֿן דעם נײַעם סצענאַר. צוזאַמען מיט זיי זענען אויפֿגעטראָטן, צווישן אַנדערע, דזשאָש דאָלגין, שׂרולי דרעסדנער, ליסאַ פֿישמאַן, דזשעני ראָמיין, שׂרה מלאָטעק, מאַריסאַ מלאָטעק־שאָנברון, זיסל סלעפּאָוויטש און מײַקל ווינאָגראַד. דער ספּעקטאַקל „קינדערלעך און ייִדיש“ האָט דעבוטירט אין 1998 און מע האָט אים ווײַטער געשפּילט ביז 2010. די פֿאָרשטעלונג, אויף ענגליש מיט ייִדישע ווערטער און לידער אַרײַנגעמישט, האָט מען געשאַפֿן אויפֿן סמך פֿון Sesame Street, די פּאָפּולערע טעלעוויזיע־פּראָגראַם וואָס לערנט קינדער ווערטער און אַריטמעטיק דורך סקיצעס און געזאַנג.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
