אין פֿאַרגלײַך מיט פּורים, חנוכּה, שׂימחת־תּורה און פּסח איז סוכּות אַ שטיקל יתום ווען עס קומט צו די יום־טובֿ־לידער; קיין סך פֿאָלקסלידער וועגן דעם יום־טובֿ זענען ניט פֿאַראַן.

איין אויסנאַם איז דאָס ליד „אַ סוכּהלע אַ קליינע‟, וואָס דער דיכטער אַבֿרהם רייזען האָט עס אָנגעשריבן ווי פּאָעזיע, אָן מוזיק, מיטן נאָמען „אין סוכּה‟. אַזוי ווי אַנדערע פֿון רייזענס לידער, וואָס אַ סך מענטשן מיינען זענען סתּם פֿאָלקסלידער, זענען במשך פֿון די יאָרן צוגעקומען נײַע ווערטער און סטראָפֿעס און דערפֿאַר האָט מען איבער גאַנץ מיזרח־אייראָפּע געזונגען פֿאַרשידענע ווערסיעס פֿונעם ליד.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

אַזוי ווי שמערקע קאַטשערגינסקיס „זאָל שוין קומען די גאולה‟ און מאַרק וואַרשאַווסקיס „אויפֿן פּריפּעטשיק‟ — איז „אַ סוכּלה אַ קליינע‟ איינס פֿון די זעלטענע ייִדישע לידער געשאַפֿן פֿון ניט־פֿרומע מחברים, וואָס איז גוט באַקאַנט בײַ די חסידים. כּמעט אַלע חסידישע זינגער און בדחנים זינגען דאָס ליד און מע לערנט עס אַפֿילו אין געוויסע מוסדות־התּורה. די פּאָפּולאַריטעט פֿונעם ליד אין יענע קרײַזן שטאַמט מסתּמא פֿון דעם, וואָס מע האָט דאָס ליד אַרויסגעלאָזט ווי אַ טייל פֿון אַ פּאָפּולערן אַלבאָם אין 1991. אָט קענט איר הערן ווי אַזוי די זינגער סוקי און דינג האָבן אויפֿגעפֿירט דאָס ליד אויף זייער אַלבאָם „היימישע אידישע געזאַנגען‟. ווי איר קענט הערן, האָבן זיי צוגעגעבן אַ פּאָר נײַע סטראָפֿעס.

ס׳איז אויך כּדאַי צו פֿאַרגלײַכן דעם מאָדערנעם חסידישן נוסח מיט אַ מער טראַדיציאָנעלער ווערסיע. אָט איז אַ רעקאָרדירונג ווי די ייִדישע פּאָעטעסע ביילע שעכטער־גאָטעסמאַן ז׳׳ל זינגט עס.

A message from our CEO & publisher Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount