מוראַנאָוו־אויסשטעלונג ווײַזט אַז פּולין־מוזיי נעמט ייִדיש ערנסטMuranow exhibit shows that Polin Museum takes Yiddish seriously
קלאַנג־רעקאָרדירונגען אויף מאַמע־לשון דערציילן די באַזוכער וועגן די אָרטיקע סוחרים וואָס האָבן געזונגען אין הויף.
Image by Polin Museum
אין ס׳רובֿ ייִדישע מוזייען הערט מען קוים אַ ייִדיש וואָרט אָבער אינעם „פּולין־מוזיי” אין וואַרשע שפּילט די שפּראַך אַ חשובֿע ראָלע. אין די אויסשטעלונגען טרעפֿט מען כּסדר עקספּאָנאַטן פֿאַרבונדן מיט ייִדיש און די דיגיטאַלע מכשרים וואָס ווערן געניצט אין די אויסשטעלונגען נעמען אַרײַן אַ סך מאַטעריאַלן אויף מאַמע־לשון. דורך אַן אוידיאָ־וועגווײַזער, קען מען אַפֿילו הערן אַ רעקאָרדירטן טור אויף מאַמע־לשון.
ווי די קוראַטאָרין פֿון דער נײַער אויסשטעלונג געווידמעט דעם אַמאָליקן ייִדישן קוואַרטאַל מוראַנאָוו, קאַמילאַ ראַדעצקאַ־מיקוליטש, האָט לעצטנס איבערגעגעבן דעם פֿאָרווערטס, קען מען, דורך אַ הער־אַפּאַראַט, הערן די גבֿיות־עדות וואָס דרײַ ייִדן האָבן איבערגעלאָזט אין די בלעכענע קאַנען פֿונעם „ענוג־שבת“־אַרכיוו — פֿאָרגעלייענט אינעם אָריגינעלן ייִדיש. מע קען אויך הערן רעקאָרדירונגען פֿון ייִדישע אַרטיקלען, וואָס זשורנאַליסטן האָבן געשריבן וועגן דער געגנט.
אין אַן אָפּטייל פֿון דער אויסשטעלונג געווידמעט דעם קראַשינסקי־פּאַרק קען מען לייענען אַ סעריע אַרטיקלען אויף ייִדיש וועגן טשיקאַווע פּאַסירונגען אינעם אַזוי־גערופֿענעם ”ייִדישן גאָרטן“, אַרײַנגערעכנט פּאָליטישע מיטינגען, ראַנדקעס און אַפֿילו די גיפֿטיקע שלאַנגען וואָס אַנטיסעמיטן האָבן דאָרטן אַ מאָל אַרײַנגעוואָרפֿן, פּרוּוונדיק, אַ פּנים, צו פֿאַרסמען ייִדן.
די באַזוכער קענען אַפֿילו הערן די קלאַנגען פֿון דער אַמאָליקער געגנט: ווי אַזוי די נאַלעווקעס האָט געקלונגען בײַם ראָג געשנער גאַס, און אַ ייִדיש ליד וועגן אַן אָרטיקן הויף וווּ די סוחרים און קליינהענלדער פֿלעגן זינגען, כּדי מפֿרסם צו זײַן זייער סחורה.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
