ווידעאָ: אַנימאַציע־פֿילם דערציילט מעשׂה וועגן שלום־עליכמס בענקשאַפֿט נאָך אַ פֿידלWATCH: Animated film tells story about Sholem Aleichem’s longing for a violin
„דער פֿידל“, מיטן קול פֿון מײַק בורשטיין, ווײַזט ווי דער צוקונפֿטדיקער שרײַבער שטרעבט צו מאַכן זײַן אייגענעם אינסטרומענט.
צוליב די שוועריקייטן צונויפֿצוזאַמלען אַ מנין אַקטיאָרן וואָס קענען ייִדיש (אָדער גיבן כאָטש די אילוזיע אַז זיי קענען ייִדיש), זענען אָפֿט די בעסטע קורצע פֿילמען אויף מאַמע־לשון הײַנט דווקא די אַנימירטע. דורך אַן אַנימאַציע־פֿילם דאַרף מען ניט זען די אַקטיאָרן און מע דאַרף בלויז אַ געניטן קינסטלער וואָס זאָל שאַפֿן די אַנימאַציע און איין טאַלאַנטירטן ייִדיש־רעדער פֿאַר אַ נאַראַטאָר, אַנשטאָט באַזונדערע קולות פֿאַר יעדן פּערסאָנאַזש.
די טעג איז אַרויס אויף יוטוב זייער אַ חנעוודיקער קורצער אַנימאַציע־פֿילם אויף ייִדיש פֿונעם ישׂראלדיקן רעזשיסאָר אָשר שוואַרץ: „דער פֿידל“. דער ווידעאָ דערציילט ווי דער יונגער שלום־עליכם שטרעבט צו מאַכן אַ פֿידל, ער זאָל קענען שפּילן אויפֿן דאַך. דער נאַראַטאָר פֿונעם פֿילם איז דער ייִדישער אַקטיאָר, זינגער און קאָמיקער מײַק בורשטיין. מע האָט געמאַכט דעם פֿילם ווי אַ טייל פֿון דער קינאָ־פּראָגראַם בײַ דער „המכללה האקדמית ספּיר בית־הספֿר לאמנויות“ (סאַפּיר־קאָלעדזש־קונסטשול), מיט דער אונטערשטיצונג פֿון „בית־לייוויק“, דעם ישׂראלדיקן פֿאַראיין פֿון ייִדישע שרײַבער און זשורנאַליסטן. די מוזיק האָבן קאָמפּאָנירט און געשפּילט אורן צר און ניקי סעמענאָוו.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
