קאָנצערט־סעריע אין ישׂראל וועט באַטאָנען מיזרח־אייראָפּעיִשע ייִדישע מוזיקConcert series in Tel Aviv to highlight Eastern European Jewish music
די סעריע וועט צונויפֿוועבן פֿאָלקס־מעשׂיות און קלעזמער־מוזיק מיט די טראַדיציעס פֿון אַנדערע מיזרח־אייראָפּעיִשע פֿעלקער.
Image by Yung Yiddish
בײַם תּל־אָבֿיבֿער „יונג־ייִדיש‟ וועט מען באַלד אײַנאָרדענען אַ ריי קאָנצערטן פֿאַרבונדן מיטן ייִדישן פֿאָלקלאָר פֿון מיזרח־אייראָפּע.
גל קלײַן, אַ סטודענט אינעם מאַגיסטער־פּראָגראַם אין ייִדישער שפּראַך בײַם „תּל־אָבֿיבֿער אוניווערסיטעט‟ אָרגאַניזירט די סעריע. קלײַן, אַן אויסגעשולטער מוזיקער וואָס פֿאָרשט אויס די פֿאַרבינדונגען צווישן קלעזמער־מוזיק און אַנדערע מיזרח־אייראָפּעיִשע מוזיקאַלישע טראַדיציעס, האָט פֿאַרבעטן אַ ריי ישׂראלדיקע און אינטערנאַציאָנאַלע קאַפּעליעס אויפֿצוטרעטן.
די סעריע הייבט זיך אָן דאָנערשטיק, דעם 30סטן יאַנואַר, 8:30 אין אָוונט מיט אַ רעפֿעראַט (אויף העברעיִש) פֿון גל קלײַן וועגן דער געשיכטע פֿון דער קלעזמער־מוזיק.
דאָנערשטיק, דעם זעקסטן פֿעברואַר, 7 אַ זייגער אין אָוונט, וועט שפּילן די אינטערנאַציאָנאַלע קאַפּעליע „די גאַסן־טריאָ‟, וואָס וועבט צונויף קלעזמער־מוזיק מיט באַלקאַנישע עלעמענטן.
דאָנערשטיק, דעם 13טן פֿעברואַר, 7 אַ זייגער אין אָוונט, וועלן אויפֿטרעטן אסף רבי, יונתן בירנבוים און גל קלײַן זינגען אַ ריי ניגונים.
דאָנערשטיק, דעם 20סטן פֿעברואַר, 7 אַ זייגער אין אָוונט, וועט אויפֿטרעטן די „באַלקאַנער סקלאַד־אָרקעסטער‟ מיט ציגײַנערישער מוזיק.
דאָנערשטיק, דעם 29סטן פֿעברואַר, 7 אַ זייגער אין אָוונט, וועט ד׳׳ר זאבֿ קיציס דערציילן חסידישע מעשׂלעך און זינגען ניגונים באַגלייט פֿון דער „לובלינקער בלוז־קאַפּעליע‟.
נאָך אינפֿאָרמאַציע, קוועטשט דאָ.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
