ווידעאָ: „בולבעס‟ געזונגען פֿון ליִאַ קעניג, שטערן פֿון „שטיסל‟WATCH: “Potatoes,” Sung by “Shtisel” Star Lia Koenig
דאָס פּאָפּולערע פֿאָלקסליד קען מען זינגען מיט פֿאַרשידענע שטימונגען.
Image by Wikimedia Commons
דאָס פֿאָלקסליד „בולבעס‟ איז איינס פֿון דרײַ אָדער פֿיר ייִדישע לידער, וואָס אַלע סטודענטן פֿון דער ייִדישער שפּראַך לערנען זיך אין קלאַס. ניט ווײַל דאָס ליד איז ספּעציעל איבעריק שיין אָדער ווײַל מענטשן האָבן נאָסטאַלגישע געפֿילן וועגן אים, נאָר ווײַל דורכן זינגען אים עטלעכע מאָל חזרט מען איבער די טעג פֿון דער וואָך.
ווי אַ קינד בין איך קיינמאָל ניט געווען זיכער, צי מע זאָל דאָס ליד זינגען ערנסט, צי אויף אַן איראָנישן אופֿן. זיכער האָט מען מיך אויסגעלערנט אים זינגען אויף אַן ערנסטן אופֿן, נאָר אַפֿילו ווי אַ קליין קינד האָב איך געכאַפּט, אַז דאָס ליד קען מען אויך זינגען אויף אַזאַ אופֿן אַז עס זאָל קלינגען מער קאָמיש ווי ערנסט.
פּונקט אַזאַ צוגאַנג נעמט די אַקטריסע און קאָמיקערין ליִאַ קעניג בײַם זינגען דאָס ליד אויף אַ קאָנצערט. קעניג איז הײַנט וועלט־באַרימט ווי די באָבע מלכּה אין דער ישׂראלדיקער טעלעוויזיע־סעריע „שטיסל‟.
נאָך אַן אינטערעסאַנטן נוסח פֿונעם ליד הערט מען פֿון דער בראַזיליאַנער זינגערין ניקאָל באָרגער אויף פּאָרטוגעזיש און ייִדיש. בײַ איר הערט מען טאַקע שטאַרקע השפּעות פֿון דער בראַזיליאַנער מוזיק.
די פּוילישע זינגערין באַרבאַראַ געסעניקע געוואָנט זינגט „בולבעס‟ אויף גאָר אַן אַנדער אופֿן — מיטן פּאַטאָס און פּײַן פֿון עמעצן, וואָס גייט שיִער ניט אַראָפּ פֿון זינען צוליב דעם, וואָס זי מוז כּסדר עסן בולבעס.
A message from our CEO & publisher Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
