ייִדישער „פֿידלער אויפֿן דאַך‟ וועט שפּילן אין אויסטראַליע“Fiddler on the Roof in Yiddish” To Be Performed in Australia
די פֿאָרשטעלונגען, במשך פֿון פֿינעף חדשים, וועלן זײַן די ערשטע פּראָדוקציעס מחוץ אַמעריקע און קאַנאַדע.
ס׳איז שוין ניט קיין גוזמא צו זאָגן, אַז דער ייִדיש־שפּראַכיקער נוסח פֿון „פֿידלער אויפֿן דאַך‟, וואָס שפּילט שוין מער ווי אַ יאָר מיט גרויסער הצלחה, איז דער גרעסטער שלאַגער פֿאַר דער „פֿאָלקסבינע‟ אין מער ווי 70 יאָר. דער מיוזיקל פֿון דזשאָסעף סטײַן, שעלדאָן האַרניק און דזשערי באָק, אין שרגא פֿרידמאַנס ייִדישער איבערזעצונג און אונטערן רעזשי פֿונעם אַקטיאָר דזשאָעל גריי, וועט שפּילן „אַוף בראָדוויי‟ ביז כאָטש יאַנואַר, און זייער מעגלעך — נאָך לענגער.
אַזאַ גרויסער דערפֿאָלג איז דער ייִדישער „פֿידלער‟, אַז מע האָט לעצטנס אַנאָנסירט, אַז ער וועט אויך שפּילןאין חשובֿע זאַלן אין אויסטראַליע. אין סעפּטעמבער 2020 וועט דער פֿאָלקסבינעס נוסח פֿונעם מיוזיקל אויפֿגעפֿירט ווערן בײַם וועלט־באַרימטן סידניער אָפּערע־הויז און אין נאָוועמבער — בײַם מעלבורנער קאָמעדיע־טעאַטער. מע האָט שוין אַרויפֿגעשטעלט אַ וועבזײַט מיט אַ „וואַרט־רשימה‟ און עס אויך געשטעלט אויף פֿייסבוק און אינסטאַגראַם כּדי צו פֿאַרפּירסומען די פֿאָרשטעלונג ווי ווײַט מעגלעך.
ווער עס וועט אויפֿטרעטן אין דער אויסטראַלישער פֿאָרשטעלונג פֿון „פֿידלער‟ איז דערווײַל ניט קלאָר, נאָר מע גיט איבער אַז דער מיוזיקן וועט ווײַטער רעזשיסירט ווערן דורך דזשאָעל גריי. מע ווייסט אויך ניט, צי מע וועט צו יענער צײַט ווײַטער שפּילן „פֿידלער‟ אין ניו־יאָרק, נאָר לאָגיסטיש איז עס זיכער, אַז ס׳רובֿ אַקטיאָרן וואָס נעמען אָנטייל אינעם אַמעריקאַנער „פֿידלער‟ קענען זיך ניט דערלויבן אַוועקצופֿאָרן קיין אויסטראַליע אויף 4 חדשים. הייסט עס, אַז ס׳רובֿ אַקטיאָרן וועלן נישט זײַן די זעלבע וואָס אין דער אַמעריקאַנער פּראָדוקציע. אַזוי צי אַזוי, איז דער פֿאַקט אַליין, וואָס אַ פֿאָלקסבינע־פֿאָרשטעלונג ווערט אויפֿגעפֿירט אין אויסטראַליע, זיכער אַ מײַלשטיין פֿאַר דער 104־יעריקער אינסטיטוציע, וואָס האָט, אַחוץ קורצע גאַסטראָלן אין קאַנאַדע און איינמאָליקע פֿאָרשטעלונגען אין אייראָפּע און ישׂראל, קיינמאָל פֿריִער ניט אויפֿגעפֿירט קיין פּראָדוקציעס מחוץ אַמעריקע.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor